கீழை நாட்டுப் புரட்சிகளில் விவசாயிகள் இன்னமும் முக்கிய பங்கை கொண்டுள்ளனர்; ஆனால், மீண்டும் இந்தப் பங்கு வழிநடத்துவதாகவோ, சுயாதீனமாகவோ இருக்காது. கூப்பே, க்வாங்ருங் அல்லது வங்காளத்தில் இருக்கும் வறிய விவசாயிகள் ஷங்காய், கன்டோன், ஹான்கோ, கல்கத்தா தொழிலாளர்களை ஆதரித்தால்தான் தேசிய அளவிலும் சர்வதேச அளவிலும் ஒரு பங்கை வகிக்க முடியும். அது ஒன்றுதான் புரட்சிகர விவசாயி ஒரு சர்வதேசப் பாதைக்கு வரும் வழியாகும். கூப்பேயில் இருக்கும் விவசாயிக்கும் காலிசியா அல்லது டோப்ருட்ஜா, எகிப்திய விவசாயகுடிமக்களுக்கும் மற்றும் அமெரிக்க விவசாயி ஆகியோரிடையே ஒரு நேரடிப் பிணைப்பை ஏற்படுத்துவது என்பது பயனற்ற முயற்சியாகத்தான் போகும்.

இந்த அரசியல் தன்மையில்தான் நேரடி இலக்கிற்கு பயன்படாத எதுவும் வேறொரு இலக்குகளின் கருவியாக தவிர்க்க முடியாமல் ஆகும், அடிக்கடி ஒருவர் விழைவதற்கு மாறாக. விவசாயிகளை நம்பியுள்ள கட்சி அல்லது அதன் நம்பிக்கையை பெற முயலும் ஒரு பூர்ஷ்வா கட்சி தன்னுடைய சொந்த நாட்டில் கம்யூனிஸ்ட் கட்சியின் தாக்குதலில் இருந்து பாதுகாப்பை நாடுவதற்கு விவசாயிகள் அகிலத்தித்தினுள் (கம்யூனிச அகிலத்தினுள் அவ்வாறு செய்ய முடியாவிட்டாலும்) குறைந்த அல்லது நீடித்த காலத்திற்கு தனக்கு காப்புறுதி தேட முயற்சித்ததை நாம் பார்க்கவில்லையா? இதேபோல் பூசேல் தொழிற்சங்க தளத்தில் தன்னை ஒரு ஆங்கிலோ-ரஷ்ய குழுவின் மூலம் பாதுகாத்துக் கொள்ள முற்பட்டார். லா பொலெட்டே விவசாயிகள் அகிலத்தில் பதிவு செய்துகொள்ள முயற்சிக்கவில்லை ஏனென்றால், அமெரிக்க கம்யூனிஸ்ட் கட்சி மிகவும் வலுவற்று இருந்தது என்பதுடன் அவர்களின் அன்றைய தலைவர் பெப்பர் எவரும் அழைக்காமல், எவராலும் கேட்கப்படாமல் லா பொலெட்டேயைத் தழுவினார் என்பதாலாகும். குரோசிய பணக்கார விவசாயிகளின் வங்கியாளர்-தலைவரான ராடிக் மந்திரிசபையில் சேர்வதற்கு, தன்னுடைய முகவரி சீட்டை (Visiting Card) விவசாயிகள் அகிலத்தில் கொடுப்பது அவசியம் எனக் கண்டார். கோமின்டாங் இன்னும் மேலே சென்று விவசாயிகள் அகிலத்தில் மட்டும் இல்லாமல் ஏகாதிபத்தியத்திற்கு எதிரான கழகத்திலும் இடத்தை தேடிக் கொண்டது; மேலும் கம்யூனிச அகிலத்தின் கதவை தட்டியது, அது சோவியத் கம்யூனிஸ்ட் கட்சியின் அரசியல் குழுவின் நல்லாசிகளுடன் வரவேற்கப்பட்டது; ஒரே ஒரு வாக்குதான் அதற்கு எதிராக அளிக்கப்பட்டது.

சமீபத்திய ஆண்டுகளின் முக்கிய அரசியல் நிகழ்வுகளின் உயர் கூறுபாடாக உள்ளது Profintern [தொழிற்சங்கங்களின் சிவப்பு அகிலம் - Red International of Labour Unions] ஐ தகர்ப்பதற்கு ஆதரவாக போக்குகள் மிகவும் வலுவாக இருந்த நேரத்தில் (அந்தப் பெயரே சோவியத் தொழிற்சங்கங்களின் சட்டங்களில் இருந்து நீக்கப்பட்டது), நாம் நினைவுகூரும் வகையில் எங்கும் உத்தியோகபூர்வ செய்தி ஊடகத்தில் Krestintern விவசாயிகள் அகிலத்தின் இம்மியும் பிசகாத வெற்றிகள் பற்றிய வினாக்கள் எழுப்பப்படவில்லை.

ஆறாம் அகல் பேரவை விவசாயிகளின் "அகிலத்தின்" பணியை ஒரு பாட்டாளி வர்க்க சர்வதேசிய நிலைப்பாட்டில் இருந்து கட்டாயம் பரிசீலித்தாக வேண்டும். இந்த நீடித்த பரிசோதனைக்கு ஒரு மார்க்சிச இருப்புநிலைக் குறிப்பை வரைவதற்கு தக்க காலம் வந்துவிட்டது. ஏதேனும் ஒருவிதத்தில் இருப்புநிலை குறிப்பு கம்யூனிச அகிலத்தின் வேலைத்திட்டத்தில் கட்டாயம் சேர்க்கப்பட வேண்டும். தற்போதைய வரைவில் ஒரு எழுத்து கூட விவசாயிகள் அகிலத்தில் இருக்கும் "மில்லியன் கணக்கானோர்" பற்றி மூச்சுவிடவில்லை, அல்லது, அவ்வாறு ஒன்று இருப்பது பற்றிக் கூடக் கூறவில்லை.

வரைவு வேலைத்திட்டத்தில் இருக்கும் அடிப்படை கருத்தாய்வுகள் பற்றி ஒரு விமர்சனத்தை நாம் அளித்திருக்கிறோம்; நேரத்தின் தீவிர அழுத்தம் நம்மை அனைத்துக் கூறுபாடுகளையும் பற்றி எழுதவிடாமல் தடுக்கிறது. இந்த வேலைக்கு நமக்குக் கிடைத்தது இரு வாரங்கள்தான். எனவே சமீப காலத்திய புரட்சிகர மற்றும் உள்கட்சி போராட்டங்களுடன் நெருக்கமாக பிணைந்துள்ள மிக முக்கியமான வினாக்களுடன் மட்டும் நம்மை கட்டுப்படுத்திக் கொண்டோம்.

"கலந்துரையாடல்கள்" என அழைக்கப்படுவது பற்றி எமது முந்தைய அனுபவத்தின் காரணமாக, சொற்றொடர்கள் உள்ளடக்கத்தில் இருந்து அகற்றப்பட்டு கூறப்படுதல், பேனாவில் இருந்து நழுவிய கருத்துக்கள் ஆகியவை "ட்ரொட்ஸ்கிசத்தை" சிதைக்கும் புதிய தத்துவங்களின் ஊற்றெடுக்கும் ஆதாரங்களாக மாறக்கூடும் என்பதை நாம் அறிவோம். ஒரு முழுக் காலமும் இவ்வகையான வெற்றிகரமான தம்பட்டங்களால் நிரப்பப்பட்டுள்ளது. ஆனால் இப்பொழுதும் பெரும் அமைதியுடன் இழிந்த தத்துவார்த்த தேள்கள் நம் மீது பாய்ந்து திடீரென்று கொட்ட இருப்பதை காண உள்ளோம்.