மொழிபெயர்ப்பின் மூலக் கட்டுரையை இங்கே காணலாம்

பிரிட்டனின் கன்சர்வேடிவ் கட்சி அரசாங்கம், தொற்றுநோயை குற்றகரமாக கையாள்வதன் விளைவாக மனித உயிர்களுக்கு ஏற்பட்ட துன்பம், இழப்பு, அதன் அலட்சியம் பற்றிய புதிய வெளிப்பாடுகளால் உருவான தவிர்க்க முடியாத நெருக்கடியில் மூழ்கியுள்ளது.

டவுனிங் வீதியில் 40 முன்னணி டோரிக்களும் பணியாளர்களும் கலந்து கொண்ட “உங்களது சொந்த மதுவை கொண்டுவாருங்கள்” (“Bring Your Own Booze”) தோட்ட விருந்தில் பிரதமர் போரிஸ் ஜோன்சன் கலந்து கொண்டதை உறுதிப்படுத்தும் செய்திகள் கசிந்ததன் பின்னர் அவர் “நடைப் பிணமாக” விவரிக்கப்படுகிறார்.

புதன்கிழமையன்று அவர் பாராளுமன்றத்தில் அவநம்பிக்கையான மற்றும் தயக்கத்துடன் மன்னிப்பு கேட்க வேண்டிய கட்டாயம் ஏற்பட்டது, ஆனால் மே 20, 2020 நிகழ்வு ஒரு வணிக சந்திப்பு என்றும், எனவே பூட்டுதல் விதிகளை மீறவில்லை என்றும் தொடர்ந்து கூறினார். நீதிக்கான கோவிட்-19 உயிரிழந்த குடும்பங்கள் என்ற அமைப்பு, அவரது மன்னிப்பு “இந்த தொற்றுநோயால் ஏற்கனவே நிறைய இழந்தவர்களின் காயங்களில் அதிக உப்பை வைக்கிறது... அவரால் உண்மையைச் சொல்ல முடியாது, அதனால்தான் அவர் வெளியேற வேண்டும்' என கூறியது.

“ரம்யமான வானிலை” என வர்ணித்து, ஜோன்சனின் முதன்மை தனிச் செயலர் மார்ட்டின் ரெனால்ட்ஸ் ஆல் அழைப்பு விடுக்கப்பட்டு ஜோன்சனும் பலரும் கலந்து கொண்ட அந்த கூட்ட நாளன்று, 329 பேர் உத்தியோகபூர்வமாக கோவிட்-19 ஆல் இறந்தனர், மொத்த இறப்பு எண்ணிக்கை கிட்டத்தட்ட 35,000 ஆக இருந்தது.

பொது அழுத்தத்தின் கீழ், 2020 மார்ச் 23 முதல் ஜூன் 23 வரையிலும், 2021 ஆம் ஆண்டில் ஜனவரி 6 முதல் ஜூலை 19 வரையிலும் பகுதி பூட்டுதல்களை அவர் அறிவித்தபோதும் ஜோன்சன் தனது சமூக நோயெதிர்ப்பு சக்தி பெருக்கும் போக்கிலிருந்து பின்வாங்காததால், இங்கிலாந்து முழுவதும் உள்ள மில்லியன் கணக்கானவர்கள் இராஜினாமா செய்வதை விரும்புகிறார்கள். “இனி மோசமான பூட்டுதல்கள் இல்லை! உடல்கள் ஆயிரக்கணக்கில் குவியட்டும்!” என்ற என்றென்றும் நினைவில் நிற்கும் அறிவிப்புடன், அவர் ஒரு நிரந்தரப் பொய்யர் என்றும் பெரும் கொலையாளி என்றும் வெறுக்கப்படும் நபராக உள்ளார்.

ஜோன்சனை தோற்கடிக்க பெருவணிகத்தின் அனைத்து அரசியல் பிரதிநிதிகளுக்கும் எதிராக ஒரு சுயாதீனமான அரசியல் மற்றும் சமூகப் போராட்டம் தேவைப்படுகிறது.

ஆனால், ஜோன்சனின் சக வலதுசாரி டோரி கும்பல்களால் பிரதம மந்திரி மீது நடத்தப்பட்ட தாக்குதல்களுக்கும் அவரது நடத்தை மீதான மக்கள் சீற்றத்திற்கும் எந்த தொடர்பும் இல்லை, இதை யாரும் ஒரு கணம் கூட நம்பப் போவதில்லை. மாறாக டோரிகள், ஜோன்சனின் முன்னாள் ஆலோசகர் டொமினிக் கம்மிங்ஸிடமிருந்து வெளிவரும் கசிவுகளை டோரிகள் பயன்படுத்தி ஒரு பாரிய தொழிலாள வர்க்க தாக்குதலுக்கு தயாராகி வருகின்றனர். அவர்கள் எந்தத் தணிப்பு நடவடிக்கையும் இன்றி மக்களிடையே சீற்றத்தை ஏற்படுத்தும் தங்களின் கொலைகாரத் திட்டங்களையும் வைரஸையும் தீவிரப்படுத்துவார்கள்

1922 கமிட்டி மற்றும் கோவிட் மீட்பு குழுவின் எம்.பி.க்களின் முக்கிய புகார் என்னவென்றால், ஜான்சன் பலவீனமாக இருக்கிறார், ஏனெனில் அவர் சில சமயங்களில் தொற்றுநோய் கொள்கைகளில் சலுகைகளை அளித்துள்ளார்.
இது 'முனிவரின் ஆட்சிக்காலம் [அரசாங்கத்தின் விஞ்ஞான ஆலோசனைக் குழு]' என ஒரு பாராளுமன்ற அங்கத்தவரால் குறிப்பிடப்படுகிறது. வெகுஜன மரணம், பணியிட சுரண்டல் மற்றும் சமூக சிக்கனத்தின் மிருகத்தனமான நிலைகள் ஆகிய கொள்கைக்கு எதிரான தொழிலாள வர்க்க எதிர்ப்பை எதிர்கொள்ளக்கூடிய ஒருவரை அவருக்குப் பதிலாக அவர்கள் நியமிக்க விரும்புகிறார்கள்.

கட்டுரையாளர் அலிசன் பியர்சன், டோரிகளின் ஊதுகுழலான டெய்லி டெலிகிராப்பிடம் கூறினார்: 'எங்கள் வாழ்வின் மீது ஒரு அரசாங்கம் இவ்வளவு கட்டுப்பாட்டைப் பயன்படுத்துவதை நாம் இனி ஒருபோதும் அனுமதிக்கக்கூடாது. உண்மையான இடர்களை அறிந்து தங்களுக்கு இஷ்டம் போல் செயல்பட்ட அப்பட்டமான நயவஞ்சகர்கள், தங்கள் சொந்த விருப்பத்தின் பேரில் முற்றிலும் சமமற்ற நடவடிக்கைகளை சுமத்த ஒருபோதும் அனுமதிக்கக்கூடாது.

டெலிகிராப்பின் ஆசிரியர் தொடர்ந்தார், '2020 பூட்டுதலில் முற்றிலும் பாதிப்பில்லாத செயல்பாடுகளுக்கு பல சமமற்ற தடைகள் இருந்ததால்' தான் சிக்கலில் இருப்பதாக ஜோன்சன் கூறுகிறார். 'நாங்கள் இப்போது இதேபோன்ற நிலையில் இருக்கிறோம், விதிகள் எப்போதாவது இருந்திருந்தால் அவை இனி நியாயப்படுத்தப்படாது.'

மாணவர்கள் வகுப்பறைகளில் முகக்கவசம் அணிவது, வீட்டிலிருந்து பணிபுரிவது, மற்றும் கோவிட் தனிமைப்படுத்துதல் 5 நாட்களாக இன்னும் குறைக்கப்படாதது போன்ற நடவடிக்கைகளைப் பட்டியலிட்டு, “எஞ்சியுள்ள விதிமுறைகள் காலாவதியாகவுள்ள தேதியான ஜனவரி 26 வரை காத்திருப்பதற்குப் பதிலாக, அவற்றை உடனடியாக முடிவுக்குக் கொண்டுவருவதற்கான அழுத்தமான வாதங்கள் உள்ளன” என்று டெலிகிராஃப் வலியுறுத்துகிறது.

மார்கரெட் தாட்சரின் தலைமை ஆலோசகரான சார் பேர்னார்ட் இங்காம், உழைக்கும் மக்கள் மீதான திட்டமிட்ட தாக்குதல்களின் அளவை எக்ஸ்பிரஸிடம் தெளிவுபடுத்தினார். அரசாங்கம் 300 பில்லியன் பவுண்டுள் வரவு-செலவு திட்ட பற்றாக்குறையையும் 2 ட்ரில்லியன் பவுண்டுகள் தேசிய கடனையும் எதிர்கொள்கிறது என்று குறிப்பிட்ட அவர், 2010ல் டோரிகளுக்கு தொழிற் கட்சி பிரதம மந்திரி கோர்டன் பிரவுண் விட்டுச்சென்ற வரவு-செலவு பற்றாக்குறையுடன் இதை ஒப்பிட்டார்: 'இடதுசாரிகள் -மற்றும் சில டோரிகளும் கூட- 'சிக்கனம்' என்று பெயரிட்டதன் விளைவு, சில அரசியல்வாதிகளுக்கு விகிதாசார உணர்வு இல்லை என்பதை நிரூபித்தது... நாட்டின் நியாயமான பொறுப்புள்ள டோரி தலைமைக்கு அந்த பற்றாக்குறையை நீக்குவதற்கு 10 ஆண்டுகள் பிடித்தது என்பது, போரிஸ் ஜோன்சனின் நிர்வாகத்திடம் இன்றைய சூழ்நிலை என்ன கோருகிறது என்பதை சந்தேகத்திற்கு இடமின்றி நிரூபிக்கிறது” என்று கூறினார்.

ஜோன்சன் எவ்வளவு காலம் பதவியில் இருக்க முடியும் என்று ஊகிக்க வேண்டிய அவசியமில்லை. ஏற்கனவே பூட்டுதல் விதிகளை மீறிய நான்கு மாலைகளுக்காக, அரசு ஊழியர் சூ கிரே தலைமையிலான உத்தியோகபூர்வ விசாரணையின் முடிவுகளுக்காகக் காத்திருக்குமாறு அனைவருக்கும் அழைப்பு விடுக்கப்பட்டதன் பின்னால் அவர் ஏற்கனவே தஞ்சம் புக வேண்டிய கட்டாயத்தில் உள்ளார். அவரது பாராளுமன்ற பெரும்பான்மை என்பது, டோரிகள் அவரை பதவிநீக்கம் செய்யவேண்டும் என்பதாகும். ஆனால் ஏற்கனவே பல பின்வரிசை உறுப்பினர்கள் மற்றும் ஸ்காட்டிஷ் கன்சர்வேடிவ் தலைவர் டக்ளஸ் ரோஸ் ஏற்கனவே அவரை வெளியேறுமாறு அழைப்பு விடுத்துள்ளனர் மற்றும் நிதியமைச்சர் ரிஷி சுனக் நேற்றைய நாளை இல்ஃபிராகோம்பில் (Ilfracombe) கழித்தார்.

அடிப்படையானது என்னவென்றால், பழமைவாத வலதுசாரிகளின் உண்மையான கணக்கீடுகள் வர்க்கப் போரை எவ்வாறு எதிர்த்துப் போராடுவது என்பதுதான், அதனுடன் ஒப்பிடும்போது 2008 பொருளாதார வீழ்ச்சியைத் தொடர்ந்து சுமத்தப்பட்ட சிக்கன நடவடிக்கைகள் அற்ப விடயமாகத் தோன்றும்.

ஜோன்சனை இராஜினாமா செய்யுமாறு தொழிற் கட்சித் தலைவர் சர் கெய்ர் ஸ்டார்மரும், மற்றும் தாராளவாத ஜனநாயகக் கட்சி மற்றும் ஸ்காட்டிஷ் தேசியக் கட்சி (SNP) சார்ந்த அவரது சகாக்களும் விடுத்துள்ள அழைப்புகள் அரசியல் ரீதியாக பாசாங்குத்தனமானவை. அவர்கள் ஜோன்சன் அரசாங்கத்தின் சமூக நோயெதிர்ப்பு சக்தி பெருக்கும் திட்ட நிரல் குறித்து எந்த எதிர்ப்பையும் முன்வைக்கவில்லை என்பதுடன், ஜோன்சனின் டோரியின் வாரிசுகளுடன் இணைந்து மகிழ்ச்சியுடன் ஒத்துழைப்பார்கள்.

ஏப்ரல் 4, 2020 அன்று தொழிற் கட்சி தலைவராக தேர்ந்தெடுக்கப்பட்ட ஸ்டார்மர், ஜோன்சனின் தோட்ட விருந்துக்கு ஏழு வாரங்களுக்கு முன்பு தனது கட்சி அரசாங்கத்திற்கு 'ஆக்கபூர்வமான விமர்சனங்களை' மட்டுமே வழங்கும் என்று உறுதியளித்தார். அப்போதிருந்து, செப்டம்பர் 2020 இல் பள்ளிகளை மீண்டும் திறக்க ஜோன்சனுக்கு ஒரு 'தார்மீகக் கடமை' இருப்பதாகக் கூறியது உட்பட, ஒவ்வொரு முக்கியமான பிரச்சினையிலும் அவர் டோரிகளை ஆதரித்தார். புதன்கிழமை கேள்வி நேரத்தில் 'சரியானதைச் செய்ய வேண்டும்' மற்றும் இராஜினாமா செய்யுமாறு ஜோன்சனை அவர் முதலில் வலியுறுத்தியபோது, அவரது ஆலோசகர்கள் முன்னதாக சம்பவங்கள் அதேதிசையில் செல்வதாக உறுதியளித்தனர்.

தாராளவாத ஜனநாயகக் கட்சியினருக்கும் இது பொருந்தும், இவர்கள் நேற்று ஜோன்சன் காரணமான மரணங்கள் குறித்து தங்கள் தாக்குதல்களை மையப்படுத்தவில்லை, மாறாக பூட்டுதல் மீறல்களுக்காக மற்றவர்களுக்கு அபராதம் விதிக்கும் அவரது அரசாங்கத்தின் “பாசாங்குத்தனத்தையே” இவர்கள் மையப்படுத்தினர். SNP ஸ்காட்லாந்தின் அதிகாரப் பகிர்வு அரசாங்கத்தை வழிநடத்துகிறது மற்றும் கொள்கைகளை செயல்படுத்துவதற்கு நேரடியாக பொறுப்பாகும், அது ஜோன்சனின் கருத்துக்களில் இருந்து சற்றும் வேறுபடவில்லை.

ஜோன்சன் இராஜினாமா செய்தாலும், டோரிகள் அதிகாரத்தில் இருப்பதோடு, தொழிற்கட்சி மற்றும் தொழிற்சங்கங்களின் ஆதரவுடன் தங்கள் தாக்குதல்களைத் தொடர முடியும். அவர்கள் இரண்டு ஆண்டுகளுக்கு முன்பு தொற்றுநோய் தொடங்கியதில் இருந்து, தொழிலாளர்கள் எதிர்க்கும் ஒவ்வொரு முயற்சியையும் தீவிரமாக அடக்கியுள்ளனர்.

நினைத்துப் பார்க்க முடியாத அளவுக்கு சமூகப் பேரழிவிற்கு காரணமான இந்த வெறுக்கப்பட்ட அரசாங்கத்தின் மீது தொழிலாள வர்க்கத்தில் பாரிய கோபமும் வெறுப்பும் உள்ளது. குடும்பங்கள் 176,000 க்கும் மேற்பட்ட பயங்கரமான இழப்புகளால் துக்கப்படுகின்றனர், மில்லியன் கணக்கானவர்கள் நெடுங்கோவிட் நோய் பாதிப்புடன் வாழ்கின்றனர். புதன்கிழமை மட்டும், 20,000 க்கும் மேற்பட்ட மக்கள் மருத்துவமனையில் அனுமதிக்கப்பட்டனர் மற்றும் கிட்டத்தட்ட 400 பேர் இறந்துள்ளனர்.

ஜோன்சனும் அவரது முழு அரசாங்கமும் அகற்றப்படாவிட்டால் குழந்தைகள் உட்பட மில்லியன் கணக்கானவர்கள் நோய்வாய்ப்படுவார்கள், மேலும் பல்லாயிரக்கணக்கானவர்கள் இறந்துவிடுவார்கள். இப்போது ஊடகங்களில் பரப்பப்படும் பாராளுமன்ற சூழ்ச்சிகளில் தொழிலாளர்கள் நம்பிக்கை கொள்ளக்கூடாது. மாறாக, அவர்கள் ஒரு சோசலிச வேலைத்திட்டத்தின் அடிப்படையில் வேலைநிறுத்தங்கள் மற்றும் வெகுஜன எதிர்ப்புக்கள் உட்பட ஒரு சுயாதீனமான போராட்டத்தை நடத்த வேண்டும். இது தொழிற் கட்சி மற்றும் தொழிற்சங்கங்களுக்கு எதிரான ஒரு அடிமட்ட கிளர்ச்சியின் தன்மையை அவசியமாக எடுத்துக் கொள்ள வேண்டும், மேலும் தொழிற் கட்சியின் ஜெர்மி கோர்பினின் 'இடது' பிரிவுக்கு எதிராகவும் இருக்க வேண்டும். அவர்கள் அனைவரும் பாராளுமன்றத்தில் சிறிய 'முற்போக்கு கூட்டணிகளை' கட்டியெழுப்புவதற்கு தொழிலாளர்களைப் பயன்படுத்த முயற்சிக்கிறார்கள், அதே நேரத்தில் எந்தவொரு உண்மையான போராட்டத்தையும் நாசப்படுத்துகிறார்கள்.

அமெரிக்காவிலும் மற்றும் பிரான்சிலும் ஆசிரியர்களால் நடத்தப்பட்ட வேலைநிறுத்தங்களுடன் அத்தகையதொரு இயக்கம் ஏற்கனவே எழுச்சி பெற்று வருகிறது, மேலும் இங்கிலாந்திலும் அது தவிர்க்க முடியாமல் வெடிக்கும். இந்த எதிர்ப்புப் போராட்டத்தை வழிநடத்த சோசலிச சமத்துவக் கட்சி கட்டியெழுப்பப்பட வேண்டும்.