மொழிபெயர்ப்பின் மூலக் கட்டுரையை இங்கே காணலாம்

அமெரிக்க பொதுமக்களின் முதுகுக்குப் பின்னால், உலகின் இரண்டு பெரிய பொருளாதாரங்களுக்கிடையில் முழு அளவிலான உலகப் போருக்கு வழிவகுக்கும் ஒரு மோதலைத் தூண்டுவதை நோக்கமாகக் கொண்டு, சீனாவுக்கு எதிராக அமெரிக்க இராணுவம் ஒரு ஆத்திரமூட்டலைத் தயாரித்து வருகிறது.

இந்த ஆத்திரமூட்டல், அமெரிக்க அரசாங்கத்தில் மூன்றாவது இடத்தில் உள்ள பிரதிநிதிகள் சபை சபாநாயகர் நான்சி பெலோசியின் தைவானுக்கு திட்டமிடப்பட்ட பயணத்தின் வடிவத்தில் வருகிறது.

பயணத்தின் ஆத்திரமூட்டும் தன்மை குறித்து அமெரிக்க ஜனாதிபதி ஜோ பைடென் பகிரங்கமாக கவலை தெரிவித்த போதிலும், அமெரிக்க இராணுவம்/உளவுத்துறை எந்திரத்தின் உத்தியோகபூர்வமற்ற செய்தித் தொடர்பாளரான நியூ யோர்க் டைம்ஸ் பத்திரிகையாளர் டேவிட் சாங்கர் செவ்வாயன்று, 'திருமதி பெலோசியின் பயணத்திற்கான திட்டமிடல் முன்னேறி வருவதாக அமெரிக்க அதிகாரிகள் தெரிவித்தனர்' என்றார்.

அனைத்து அறிகுறிகளின்படியும், அடுத்த மாதத்தில் எப்போதாவது, ஒன்பது குழந்தைகளின் 80 வயதை தாண்டிய பாட்டி தன்னை C-130 சரக்கு விமானத்தில் தன்னை இணைத்துக் கொள்வார், ஒருவேளை F-35 போர் விமானங்களின் துணையுடன் மற்றும் அமெரிக்க விமானம் தாங்கி கப்பல்களின் ஆதரவுடன், தைவானில் தரையிறங்குவதன் மூலம் விதியைத் தூண்டும். அவர் நாட்டிற்குள் நுழைவதை 'தடுப்போம்' சீன இராணுவ அதிகாரிகள் எச்சரிக்கை விடுத்துள்ளனர்.

இந்த அளவிலான பொறுப்பற்ற தன்மை, அமெரிக்க அரசியல் ஸ்தாபகத்தின் ஆழ்ந்த நெருக்கடிக்கும் குழப்பத்திற்கும் ஒரு சான்றாகும், இது ஒரு தீர்க்க முடியாத சமூக, பொருளாதார மற்றும் அரசியல் நெருக்கடியை எதிர்கொண்டு அனைத்து திசைகளிலும் தீவிரமாக சுழன்று கொண்டிருக்கிறது.

கால் நூற்றாண்டில் தீவிற்கு விஜயம் செய்யும் மிக உயர்ந்த அமெரிக்க அதிகாரியாக பெலோசியை அனுப்புவது, ட்ரம்ப் மற்றும் பைடென் நிர்வாகங்களால் முறையாக சிதைக்கப்பட்ட ஒரு சீனக் கொள்கையை மேலும் குறைமதிப்பிற்கு உட்படுத்துவதை நோக்கமாகக் கொண்டுள்ளது, தைவான் பிரிவினைவாதத்தை ஊக்குவித்தவர்கள், தீவை ஆயுதங்களால் அடைத்துள்ளனர். இப்போது, ஆத்திரமூட்டும் வகையில், தைவானில் அமெரிக்க இராணுவ துருப்புக்களின் எண்ணிக்கை அதிகரித்து வருவதை வாஷிங்டன் பகிரங்கமாக ஒப்புக் கொண்டுள்ளது.

அக்டோபர் 2021 இல், வோல் ஸ்ட்ரீட் ஜேர்னல் அமெரிக்க துருப்புக்கள் தைவானில் நிறுத்தப்பட்டுள்ளதாக அறிவித்தது, டிசம்பரில், அமெரிக்கா தீவில் நிறுத்தப்பட்டுள்ள துருப்புக்களின் எண்ணிக்கையை இரட்டிப்பாக்கியது. இந்த ஆண்டின் மார்ச் மாதத்தில், தைவான் மீதான INF ஒப்பந்தத்தை மீறும் தாக்குதல் ஏவுகணைகளை நிலைநிறுத்துவதற்கு அமெரிக்கா கலந்துரையாடலில் இருப்பதாக Nikkei பத்திரிகை தெரிவித்தது.

மே 5, 2022 அன்று, அமெரிக்க வெளியுறவுத்துறை தனது உத்தியோகபூர்வ இணைய தளத்தில் 'தைவான் சுதந்திரத்தை அமெரிக்கா ஆதரிக்காது' என்றும் 'ஒரே சீனா மற்றும் தைவான் சீனாவின் ஒரு பகுதி என்ற சீன நிலைப்பாட்டை ஒப்புக்கொள்கிறது' என்ற வார்த்தைகளை நீக்கியுள்ளது.

பைடென் நிர்வாகம் இதுவரை தைவானுக்கு நான்கு பெரிய ஆயுத விற்பனைக்கு ஒப்புதல் அளித்துள்ளது, மேலும் ஐந்தாவது, 108 மில்லியன் டாலருக்கு, உடனடி காங்கிரஸின் ஒப்புதலுக்கு திட்டமிடப்பட்டுள்ளது.

தற்போதைய பேரழிவு தரும் போரைத் தூண்டும் நோக்கத்துடன் ரஷ்யாவிற்கு எதிரான ஒரு கோட்டையாக உக்ரேனிய இராணுவத்தை அமெரிக்கா பல ஆண்டுகளாக கட்டியெழுப்பியதைப் போலவே, அமெரிக்கா இந்த தீவை சீனாவுடனான போருக்கான தாக்குதல் தளமாக மாற்றி வருகிறது, தைவானுக்கு எதிரான இராணுவ நடவடிக்கைக்கு சீனாவைத் தூண்டிவிட முயல்கிறது.

இந்தத் திட்டங்கள், பல ஆண்டுகளாகத் தயாரிக்கப்பட்டு, இப்போது துப்பாக்கிச் சூட்டு போரில் வெடிக்கும் அச்சுறுத்தலைக் கொண்டுள்ளன. தைவான் விவகாரத்தில் அமெரிக்காவும் சீனாவும் ஒன்றுக்கொன்று எதிராகப் போரிடப் போவதாக வெளிப்படையாகக் கூறியுள்ளன. தைவானைப் பாதுகாக்க அமெரிக்கா பலத்தைப் பயன்படுத்துமா என்று மே மாதம் கேட்டதற்கு, 'ஆம்... அதுதான் நாங்கள் எடுத்த உறுதிமொழி' என்று பைடென் பதிலளித்தார்.

தைவான் மீது போர் தொடுப்போம் என சீன அதிகாரிகளும் தெளிவுபடுத்தியுள்ளனர். கடந்த மாதம், சீனப் பாதுகாப்பு மந்திரி வீய் ஃபெங், சிங்கப்பூரில் நடந்த ஷாங்கிரி-லா உரையாடலில் அமெரிக்க அதிகாரிகளிடம், “தாய்வானை சீனாவில் இருந்து யாரேனும் பிரிக்கத் துணிந்தால், நாங்கள் போராடத் தயங்க மாட்டோம், என்ன விலை கொடுத்தும் போராடுவோம்” என்றார்.

பொதுவிலும் தனிப்பட்ட முறையிலும், சீன அதிகாரிகள் பெலோசியின் பயணத்திற்கு ஒரு இராணுவப் பதிலை பரிசீலித்து வருவதாகக் கூறியுள்ளனர், இதில் அவரது விமானத்தை இடைமறிப்பது அல்லது தைவானிய நிலப்பரப்பின் மேலே சீன விமானங்களை பறக்கவிடுவது உட்பட.

அமெரிக்க இராணுவம், அதன் பங்கிற்கு, விமானம் தாங்கி கப்பல்களை நிலைநிறுத்துவதற்கும், இந்த நடவடிக்கைக்கு ஆதரவாக போர் விமானங்களை பயன்படுத்துவதற்கும் தயாரிப்புகளைச் செய்து வருகிறது.

உள்நாட்டில் முன்னோடியில்லாத வகையில் பொருளாதார, சமூக மற்றும் அரசியல் நெருக்கடியை எதிர்கொண்டுள்ள நிலையில், அமெரிக்க அரசியல் ஸ்தாபகத்தின் மேலாதிக்கப் பிரிவுகள், பசிபிக் முன்னணி திறக்கப்படுவதன் மூலம் உக்ரேனில் வெடித்த உலகளாவிய போரை பெருமளவில் அதிகரிக்க முயல்கின்றன.

உண்மையில், நியூ யோர்க் டைம்ஸ் க்கு அளித்த அறிக்கையில், செனட்டில் ஒரு முக்கிய பைடென் கூட்டாளியான செனட்டர் கிறிஸ் கூன்ஸ், 'நாங்கள் நினைத்ததை விட ... நாம் ஒரு முன்கூட்டிய மோதலை நோக்கிச் சென்று கொண்டிருக்கிறோம்' என்று அறிவித்தார்.

தைவான், 100 மைல்களுக்கும் குறைவான குறுக்காக உள்ள ஒரு தீவு, முழு உலகின் மிக முக்கியமான பொருளாதார கட்டுப்பாட்டு புள்ளிகளில் ஒன்றாகும்.

இந்த தீவு உலகின் மேம்பட்ட குறைக்கடத்தி (semiconductor) உற்பத்தியில் 92 சதவீதத்தைக் கொண்டுள்ளது. ஐபோன், ஐபாட் மற்றும் மாக்கண்டோஷ் கணினிகள், அத்துடன் என்விடியா மற்றும் எண்ணற்ற பிற தொழில்நுட்ப நிறுவனங்களின் கிராபிக்ஸ், செயற்கை நுண்ணறிவு மற்றும் கணினி பார்வை செயலிகள் உள்ளிட்ட ஆப்பிள் தயாரித்த ஒவ்வொரு தயாரிப்புகளும் தைவானில் உற்பத்தி செய்யப்படும் குறைக்கடத்திகளை நம்பியுள்ளன.

மின்சார வாகனங்கள் மற்றும் ஓட்டுநர்-உதவி தொழில்நுட்பத்தில் அதிக கவனம் செலுத்தும் அமெரிக்க வாகனத் தொழில், தைவானில் குறைக்கடத்தி உற்பத்தியை பெரிதும் நம்பியுள்ளது.

தீவின் மீது ஒரு இராணுவ மோதல், அமெரிக்காவிற்கும் சீனாவிற்கும் இடையே முழு அளவிலான, அதிக தீவிரமான போரை உடனடியாகத் தூண்டாத ஒன்று கூட, குறைக்கடத்தி விநியோகத்தில் இடையூறு விளைவிக்கும், மேலும் 2008 மற்றும் 2020 க்கு போட்டியாக ஒரு பொருளாதார நெருக்கடியைத் தூண்டும்.

பெலோசியின் திட்டமிடப்பட்ட தைவான் பயணத்தின் வெளிப்பாட்டிற்கு முன்னர் வெளியிடப்பட்ட ஒரு கட்டுரையில், பெரிய நிறுவனங்கள் தைவானின் மீதான போரின் முரண்பாடுகளை ஐந்துக்கு ஒன்று என்ற அளவில் வைக்கின்றன என்று FT எச்சரித்தது. பெலோசியின் பயணம், மற்றும் வெள்ளை மாளிகை எழுப்பிய கடுமையான கவலைகள் இருந்தபோதிலும் அது தொடர்கிறது என்பது தவிர்க்க முடியாமல் இந்த எண்ணிக்கையை உயர்த்தும்.

FT உடனான ஒரு நேர்காணலில், ஒரு அமெரிக்க தொழில்நுட்ப நிறுவனத்தின் நிர்வாகி எச்சரித்தார், 'ரஷ்யாவில் நாங்கள் பார்த்ததை சீனாவுக்குப் பயன்படுத்துங்கள், சீனப் பொருளாதாரத்திற்கும் உலகப் பொருளாதாரத்திற்கும் உங்களுக்கு இறுதிப் போர் உள்ளது.'

பெலோசியின் பயணத்தைச் சுற்றியுள்ள அமெரிக்க இராணுவ ஆத்திரமூட்டல் அமெரிக்க அரசுக்குள் சக்திவாய்ந்த மற்றும் பிற்போக்கு சக்திகளால் உந்தப்படுகிறது. அமெரிக்க ஜனாதிபதி ஜோ பைடெனின் இந்த பயணத்திற்கு எதிர்ப்பும் மற்றும் அவரது தேசிய பாதுகாப்பு ஆலோசகர் ஜேக் சுல்லிவன் பத்திரிகைகளுக்கு அளித்த அறிக்கைகள் இருந்தபோதிலும், அமெரிக்காவின் முன்னணி அரசியல் தளபதிகள் பயணத்தை தொடருமாறு கோரியுள்ளனர். இவற்றில்:

• ஐரோப்பாவின் முன்னாள் நேட்டோ உச்ச நேச நாட்டுத் தளபதி அட்மிரல் ஜேம்ஸ் ஸ்டாவ்ரிடிஸ், 'அமெரிக்காவின் மூத்த அதிகாரிகள் தைவான் தீவுக்குச் செல்வதா இல்லையா என்பதைத் தீர்மானிக்க சீனாவை அனுமதிக்க முடியாது' என்று அறிவித்தார்.
• முன்னாள் பாதுகாப்புச் செயலாளர் மார்க் எஸ்பர், CNN இடம், 'சபாநாயகர் செல்ல விரும்பினால், அவர் செல்ல வேண்டும் என்று நான் நினைக்கிறேன்.' எனக் கூறினார்.
• முன்னாள் இராணுவ அதிகாரி, சிஐஏ இயக்குனர் மற்றும் வெளியுறவுத்துறை செயலாளர் மைக் பொம்பேயோ, 'நான்சி, நான் உங்களுடன் வருகிறேன்... அங்கே சந்திப்போம்!' என்று ட்வீட் செய்துள்ளார்.

பெலோசியின் பயணம் அமெரிக்காவில் உள்ள பாசிச வலதுசாரிகளின் கைதட்டலை சந்தித்தது:

• வாஷிங்டனில் நடந்த ட்ரம்ப் ஆதரவு பெற்ற அமெரிக்கா முதல் கொள்கை நிறுவன கூட்டத்தில், முன்னாள் பிரதிநிதிகள் சபை சபாநாயகர் நியூட் கிங்ரிச், 'நான் நான்சியை பாராட்டுகிறேன்' என இடி முழக்க கைதட்டலுடன் அறிவித்தார்.
• செனட் சிறுபான்மைத் தலைவர் மிட்ச் மெக்கோனெல் அறிவித்தார், 'அவர் இப்போது செல்லவில்லை என்றால், அவர் சீனாவிடம் ஒப்படைக்கிறார் ... ஒரு வெற்றி.'
• 2020 ஆம் ஆண்டில் பொலிஸ் வன்முறைக்கு எதிரான அமெரிக்க ஆர்ப்பாட்டங்களுக்கு பதிலளிக்கும் விதமாக ஒரு இராணுவ/பொலிஸ் சர்வாதிகாரத்தை நிறுவ வலியுறுத்தி 'துருப்புக்களில் அனுப்பு' என்ற கட்டுரையை எழுதிய குடியரசுக் கட்சியின் செனட்டர் டாம் காட்டன், பயணத்தின் மீதான பைடெனின் கவலைகளை கண்டித்து, 'இந்த பரிதாபகரமான சுய-தடுப்பு ஒரு தவறு, மேலும் இது அதிக ஆக்கிரமிப்பைத் தூண்டும்.” என்று அறிவித்தார்.

'நான்சி பெலோசியின் தைவான் விஜயம் ட்ரம்பின் சீன வெளியுறவுக் கொள்கையின் வெற்றியாக இருக்கும்.” என நியூஸ் வீக் கருத்துரைத்தது.

சீனாவுடனான அமெரிக்காவின் மோதலை அதிகரிப்பது அமெரிக்காவில் தீவிர வலதுசாரி சக்திகளை மேலும் வலுப்படுத்தும். ட்ரம்பின் இனவெறி சீன எதிர்ப்பு வாய்வீச்சு, கோவிட் -19 'சீனா வைரஸ்' என்ற கூற்றை மையமாகக் கொண்டது, இது அவரது வெளியுறவுக் கொள்கையின் ஒரு மைய அங்கமாகும், அவற்றின் மிக அடிப்படைக் கொள்கைகள் பைடெனால் தீவிரப்படுத்தப்பட்டு தொடரப்பட்டுள்ளன.

சீனாவிற்கு எதிரான அமெரிக்காவின் போர் திட்டங்களை எதிர்க்க வேண்டும். உக்ரேனில் அமெரிக்கா தூண்டிய போரைப் போலவே கொடூரமானதாக இருந்தாலும், உலகப் பொருளாதாரத்தின் மையப் புள்ளியான தைவான் மீதான போர் மிகப் பெரிய மனித மற்றும் பொருளாதார விளைவுகளை ஏற்படுத்தும்.

பெருகிவரும் உள்நாட்டு அரசியல் எதிர்ப்பையும், அவர்களிடம் பதில் இல்லாத ஒரு சமூக, பொருளாதார மற்றும் அரசியல் நெருக்கடியையும் எதிர்கொள்ளும் அமெரிக்கா மற்றும் அதன் நேட்டோ நட்பு நாடுகளின் ஆளும் வர்க்கங்கள் போருக்கு திரும்புகின்றன. சமூக சமத்துவமின்மை மற்றும் சர்வாதிகாரத்திற்கு எதிரான போராட்டத்தின் ஒரு முக்கிய அங்கமாக, போருக்கு எதிரான போராட்டத்தை எடுத்துக்கொள்வதில் தொழிலாள வர்க்கம் சமமாக உறுதியுடன் இருக்க வேண்டும்.