முதலாம் உலகப் போர் மற்றும் ரஷ்ய புரட்சி வெடித்த நூறு ஆண்டுகளுக்குப் பின்னர், இருபதாம் நூற்றாண்டின் பிரச்சினைகள் எதுவும் -பேரழிவு தரும் போர்கள், பொருளாதார நெருக்கடிகள், சமூக சமத்துவமின்மை மற்றும் சர்வாதிகார அச்சுறுத்தல் ஆகியவை தீர்க்கப்படவில்லை. உண்மையில், அவை இன்று இன்னும் கூர்மையாக முன்வைக்கப்படுகின்றன.

இத்தொகுப்பில் பிரசுரிக்கப்பட்ட கட்டுரைகள் மற்றும் விரிவுரைகளின் பெரும்பாலான பகுதி, சோவியத் ஒன்றியம் கலைக்கப்பட்டதோடு உலக சோசலிசப் புரட்சியின் சகாப்தம் ஓர் இறுதி முடிவுக்கு வந்துவிட்டது என்ற வாதத்திற்கு எதிராக அபிவிருத்தி செய்யப்பட்டதாகும். புக்குயாமாவின் “வரலாற்றின் முடிவு” என்பதற்கும், ஹோப்ஸ்வாமின் “குறுகிய இருபதாம் நூற்றாண்டு” என்பதற்குமான எதிர்ப்பில், சோவியத் ஒன்றியத்தின் கலைப்பானது நிச்சயமாக ஒரு மிக முக்கிய சம்பவம்தான் என்றபோதினும், அது சோசலிசத்தின் அதிர்ச்சிகரமான முடிவைக் குறிக்காது என்று சமகால வரலாற்றாசிரியர்களுக்கு எதிராக டேவிட் நோர்த் வாதிடுகிறார்.