மொழிபெயர்ப்பின் மூலக் கட்டுரையை இங்கே காணலாம்.
ஜூலை 6 அதிகாலையில், ஸ்பிரிங்ஃபீல்ட் இல்லினாய்ஸ் வீட்டில் இருந்த, 36 வயதான கறுப்பினப் பெண்ணான சோனியா மாஸ்ஸியை, பொலிசார் மரணதண்டனை நிறைவேற்றிக் கொல்வதைக் காட்டும் உடலில் பொருத்தப்பட்ட ஒளிப்படக் காட்சிகள் திங்களன்று வெளியிடப்பட்டன. அமெரிக்காவில் பொலிஸ் பயங்கரவாதத்தினை முடிவுக்கு கொண்டுவருவதுக்கு மீண்டும் ஒரு முறை கோரிக்கைகள் எழுப்பப்பட்டுள்ள நிலையில், இந்த மிருகத்தனமான கொலை பரவலான அதிர்ச்சியையும் கோபத்தையும் தூண்டியுள்ளது.
மாஸ்ஸி தனது வீட்டிற்கு வெளியே சந்தேகிக்கப்படும் ஒரு சந்தேக நபரைப்பற்றி புகாரளிக்க பொலிசாரை அழைத்திருந்தார். பொலிசார் அந்தப் பெண்ணுக்கு உதவவும், அந்தப் பகுதியைப் பாதுகாக்கவும் இருப்பார்கள் என்று அந்தப் பெண் நம்புகிறார். மாறாக, வீடியோ காட்சிகள் காண்பித்தபடி, இரண்டு பொலிஸ் அதிகாரிகள் அந்தப் பெண்ணின் வீட்டிற்குள் நுழைந்தனர். ஒரு குறுகிய நேரத்துக்குள், சங்கமான் நகரத்தின் பிரதி பொலிஸ் அதிகாரி சீன் கிரேசன் அந்தப் பெண்ணை உறைய வைக்கும் இரத்தத்தில் படுகொலை செய்தார்.
அதிகாரிகளுடனான அவரது தொடர்புகள் முழுவதும் நிராயுதபாணியாகவும் அமைதியாகவும் மாஸ்ஸி அடுப்பிலிருந்து ஒரு பானை கொதிக்கும் நீரை பொலிசாரின் அறிவுறுத்தலின் பேரில் நகர்த்துவதைக் காட்டுகிறது. தண்ணீர் அச்சுறுத்தலாக இருக்கின்றதென்று பொலிஸ் அதிகாரி கிரேசன் நகைச்சுவையாக கூறுகிறார் என்று நினைத்து “இயேசுவின் பெயரில் நான் உங்களை கண்டிப்பேன்” என்று மாஸ்ஸி நகைச்சுவையுடன் பதிலளித்தார். ஆனால், இதற்கு மாறாக, கிரேசன் ஆக்ரோஷமாக, மாஸ்ஸியை “உங்கள் f**kin’ முகத்தில்” சுடுவேன் என்று அறிவிக்கிறார்.
சில நொடிகளுக்குள், மாஸ்ஸி மன்னிப்புக் கேட்டபடி, தனது சமையலறை கவுண்டருக்குப் பின்னால் செல்கிறார். பிரதி பொலிஸ் அதிகாரி அந்தப் பெண்ணை நோக்கி மூன்று முறை துப்பாக்கியால் சுடுகிறார். அதில் ஒரு குண்டு அவரது முகத்தில் பாய்ந்தது. சமையலறை தரையில் வீழ்ந்து இறந்து கொண்டிருந்த அந்தப் பெண்ணுக்கு, பொலிஸ் அதிகாரி கிரேசன், தான் அவரது தலையில் சுட்டதால், அவருக்கு முதலுதவி செய்ய வேண்டாம் என்று தனது உதவியாளருக்கு அறிவுறுத்தினார். இன்னும் அடையாளம் தெரியாத அந்த துணை பொலிஸ் அதிகாரி, இறுதியில் மாஸ்ஸிக்கு உதவி வழங்கி ஒரு மருத்துவமனைக்கு அவரைக் கொண்டு சென்றபோது, அங்கு அவர் இறந்துவிட்டார் என்று அறிவிக்கப்பட்டது.
மாஸ்ஸியின் முன்னாள் துணைவர் மற்றும் அவரது குழந்தைகளில் ஒருவரின் தந்தையிடம், பக்கத்து வீட்டுக்காரர் அவரைக் கொன்றதாக பொலிசார் ஆரம்பத்தில் அவரிடம் கூறியதாக அறிக்கைகள் தெரிவிக்கின்றன. அதேநேரம், மருத்துவமனையில் பொலிசார், மாஸ்ஸி தன்னைக் தானே சுட்டுக் கொன்றதாக செவிலியர்களிடம் கூறியுள்ளனர்.
இந்த சம்பவம் தொடர்பாக ஜூலை 17 அன்று, பொலிஸ் திணைக்களத்தால் பதிவியிலிருந்து நீக்கப்பட்ட கிரேசன் மீது, ஐந்து குற்றவியல் குற்றச்சாட்டுகளை ஒரு பெரிய நடுவர் நீதிமன்றம் முன் வைத்தது: இது மூன்று படிகளில் இடம்பெற்ற முதல்-தர கொலையாகும். அதில் துப்பாக்கியுடன் கூடிய மோசமான தாக்குதல், மற்றும் உத்தியோகபூர்வ தவறான நடத்தை ஆகியவை அதன் படி நிலைகளாகும். தற்போது ஒரு விசாரணைக்காக காத்திருக்கும் கிரேசன், சங்கமோன் நகர சிறையில் ஜாமீன் இல்லாமல் தடுத்து வைக்கப்பட்டுள்ளார்.
ஒரு பொலிஸ் கொலையாளி மீது குற்றஞ்சாட்டும் வழக்குரைஞர்களின் நடவடிக்கை மிகவும் அரிதானது. ஏறக்குறைய 98 சதவிகிதத்தினர் ஒருபோதும் குற்றவியல் குற்றச்சாட்டுகளை எதிர்கொள்ள மாட்டார்கள், பலர் உள் துறைசார் ஒழுக்கத்தின் குறிப்பு கூட இல்லாமல் தப்பிச் செல்கிறார்கள்.
ஜோர்ஜ் ஃபிலாய்ட் கொலையில், மினியாபோலிஸ் பொலிஸால் தூண்டப்பட்ட நாடு தழுவிய ஆர்ப்பாட்டங்கள் இடம்பெற்று நான்கு ஆண்டுகளுக்குப் பிறகு, ஒரு தீவிரமான அரசியல் நெருக்கடிக்கு மத்தியில், மாஸ்ஸியின் கொலை இட்ம்பெற்றுள்ளது. இந்தக்கொலையானது, நவம்பர் தேர்தலுக்கு நான்கு மாதங்களுக்குள் பொலிஸ் வன்முறை மற்றும் சமூக சமத்துவமின்மைக்கு எதிரான வெகுஜன கோபத்தை தூண்டுவதுக்கு தீப்பொறியாக அமையலாம் என்பதையிட்டு ஆளும் வர்க்கத்திற்குள் தீவிர பதட்டம் நிலவி வருகிறது.
ஜனாதிபதி ஜோ பைடென் மற்றும் கமலா ஹாரிஸ் (முதல் கருப்பு துணை ஜனாதிபதி, அமெரிக்க மற்றும் ஆசிய பெண் என்று புகழப்பட்டது) ஆகியோரின் தேர்தலின் போது, ஆர்ப்பாட்டக்காரர்களிடையே மாயைகளை ஊக்குவித்த ஜனநாயகக் கட்சியினர் தலைமையிலான நிர்வாகம், கிட்டத்தட்ட நான்கு ஆண்டுகள் இருந்து வருகின்ற போதிலும், பொலிஸ் வன்முறை மற்றும் பொலிஸ் இராணுவமயமாக்கலுக்கான நிதியுதவி ஆகியவற்றை தளர்த்தவில்லை.
பொலிஸ் வன்முறையின் வரைபடத்தின்படி, இந்த ஆண்டு இதுவரை அமெரிக்காவில் குறைந்தது 722 பேர் கொல்லப்பட்டுள்ளனர், ஜூலை 9 வரை, ஒவ்வொரு நாளும் கிட்டத்தட்ட நான்கு பேர் கொல்லப்பட்டனர். கடந்த தசாப்தத்தில் ஒவ்வொரு ஆண்டும் 1,000 க்கும் மேற்பட்டோர் கொல்லப்பட்டதோடு, மொத்தம் பாதிக்கப்பட்டவர்களின் எண்ணிக்கை அதிகரித்து வருகிறது. மேலும் இந்த ஆண்டு பதிவில், இது மிக அதிகளவில் உள்ளது.
மாஸ்ஸி கொலை வீடியோவின் வெளியீட்டிற்கு பதிலளித்த, இப்போது ஜனநாயகக் கட்சியின் வேட்பாளராகக் கூறப்படும் ஹாரிஸ், ஞாயிற்றுக்கிழமை ஜனாதிபதி போட்டியிலிருந்து விலகுவதாக பைடென் முடிவெடுத்த பின்னர், மாஸ்ஸி குடும்பத்தினரிடம் அனுதாபம் காட்டினார். அதே நேரத்தில் கிரேசன் மீது குற்றச்சாட்டுகளை கொண்டு வந்ததற்காக வழக்குரைஞர்களை பாராட்டினார்.
ஜனநாயகக் கட்சியினர் இப்போது கலிஃபோர்னியாவில் “சிறந்த பொலிஸ்” என்று ஹாரிஸ்சின் சாதனையை ஊக்குவித்து வருகின்றனர். அங்கு அவர் பே ஏரியா வழக்கறிஞராகவும், பின்னர் ஆறு ஆண்டுகள் அட்டர்னி ஜெனரராகவும் இருந்தார். மே மாதத்தில் 34 குற்றச்சாட்டுகளுக்கு தண்டனை பெற்ற டொனால்ட் டிரம்பை எதிர் கொள்வதற்கான அவரது முன்னணி தகுதிகளில் இதுவும் ஒன்றாகும்.
ஹாரிஸ் பின்வருமாறு அறிவித்தார்:
எங்கள் எண்ணங்கள் நம் நாடு முழுவதும் உள்ள சமூகங்களுடனும் உள்ளன. அவற்றின் உதவிக்கான அழைப்புகள் பெரும்பாலும் சந்தேகம், அவநம்பிக்கை மற்றும் வன்முறையை கூட சந்திக்கின்றன. நேற்று வெளியிடப்பட்ட குழப்பமான காட்சிகள் பலரின் வாழ் அனுபவங்களிலிருந்து நமக்குத் தெரிந்ததை உறுதிப்படுத்துகின்றன. நமது நீதி அமைப்பு அதன் பெயருக்கு ஏற்ப முழுமையாக வாழ்கிறது என்பதை உறுதிப்படுத்த எங்களுக்கு நிறைய வேலை உள்ளது.
தனது பங்கிற்கு, பைடென் பின்வருமாறு கூறினார்:
நாங்கள் உதவிக்கு அழைக்கும்போது, அமெரிக்கர்களாகிய நாம் (நாம் யார் அல்லது எங்கு வாழ்கிறோம் என்பதைப் பொருட்படுத்தாமல்) அனைவரும் நம் வாழ்வுக்கு பயப்படாமல் அவ்வாறு செய்ய முடியும். தாக்குதலை நடத்திய அதிகாரியின் கைகளினால் ஏற்பட்ட சோனியாவின் மரணம் நமக்கு நினைவூட்டுகிறது, பெரும்பாலும் கறுப்பின அமெரிக்கர்கள் அனைவரும் தங்கள் பாதுகாப்பிற்காக அச்சங்களை எதிர்கொள்கிறார்கள், எஞ்சியவர்களில் பலர் அவ்வாறு செய்ய மாட்டார்கள்.
இத்தகைய அறிக்கைகள் முற்றிலும் வெற்று மற்றும் பாசாங்குத்தனமானவை. பைடென் முன்மொழிந்த ஜோர்ஜ் ஃபிலாய்ட் நீதித்துறை பொலிஸ் சட்டம், ஹாரிஸ் செனட்டில் இருந்தபோது எழுதிய ஒரு சீர்திருத்த தொகுப்பு ஆகியவை காங்கிரசில் ஸ்தம்பித்துள்ளது. கோவிட் -19 தொற்றுநோய்களுக்காக முதலில் ஒதுக்கப்பட்ட பில்லியன் கணக்கான நிதி நாடு முழுவதும் உள்ள பொலிஸ் படைகளுக்கு வழங்கப்பட்டுள்ளது. நாடு முழுவதும். காஸாவில் இஸ்ரேலின் இனப்படுகொலைக்கு எதிரான மாணவர் ஆர்ப்பாட்டங்கள் மீதான வன்முறை ஒடுக்குமுறையை மேற்பார்வையிட உள்ளூர் பொலிஸ் படைகளுடன் பைடென் நிர்வாகம் ஒருங்கிணைக்கப்பட்டுள்ளது. ஏப்ரல் முதல் அமெரிக்கா முழுவதும் பல்கலைக்கழக வளாகங்கள் மீதான ஒடுக்குமுறையில் 3,100 க்கும் மேற்பட்ட மாணவர்கள் மற்றும் பிற எதிர்ப்பாளர்கள் கைது செய்யப்பட்டுள்ளனர் அல்லது தடுத்து வைக்கப்பட்டுள்ளனர்.
“இந்த வகையான வன்முறைக்கு அல்லது எந்தவொரு வன்முறைக்கும் அமெரிக்காவில் இடமில்லை”என்று ட்ரம்ப் மீதான படுகொலை முயற்சிக்குப் பின்னர் பைடெனின் அபத்தமான அறிக்கையைக் குறிப்பிட்டு, சோசலிச சமத்துவ கட்சியின் ஜனாதிபதி வேட்பாளர் ஜோ கிஷோர் எக்ஸ்/ட்விட்டர் அறிக்கையில் பின்வருமாறு குறிப்பிட்டார்:
உண்மையாக, இல்லினாய்ஸில் சோனியா மாஸ்ஸியின் பொலிஸ் கொலை மீண்டும் நிரூபித்தபடி, அமெரிக்க அரசு வன்முறையால் ஊடுருவியுள்ளது. ஒவ்வொரு ஆண்டும், பொலிசார் 1,000 க்கும் மேற்பட்டவர்களை, ஒரு சாக்குப்போக்கில் அல்லது இன்னொரு சாக்குப்போக்கில் கொலை செய்கிறார்கள். மரண தண்டனையின் காட்டுமிராண்டித்தனமான நிறுவனத்தை பராமரிப்பதில் மேம்பட்ட முதலாளித்துவ நாடுகளிடையே அமெரிக்கா தனியாக உள்ளது.
உலகில் வன்முறையைத் தூண்டிவரும் அமெரிக்க ஏகாதிபத்தியத்தின் பங்குடன், உள்நாட்டில் அரசின் வன்முறை பிரிக்கமுடியாத வகையில் இணைக்கப்பட்டுள்ளது. அமெரிக்காவின் தலைமையில் மற்றும் அமெரிக்காவின் ஆதரவுடன் கொல்லப்பட்டவர்களின் எண்ணிக்கை, கடந்த 30 ஆண்டுகளில் ஈராக்கின் படையெடுப்பிலிருந்து காஸாவில் உள்ள இனப்படுகொலை வழியாக, பல பத்தாயிரக்கணக்கான எண்ணிக்கையில் உள்ளது.
இந்த வாரத்தின் பிற்பகுதியில், பைடென் மற்றும் ஹாரிஸ் ஆகியோர், காங்கிரஸின் கூட்டு அமர்வில் புதன்கிழமை உரையாற்றிய, பாரிய படுகொலையாளி மற்றும் போர்க்குற்ற குற்றவாளியான பெஞ்சமின் நெதன்யாகுவை சந்திப்பார்கள். சோனியா மாஸ்ஸிக்கான அவர்களின் முதலைக் கண்ணீர் இருந்தபோதிலும், காஸாவில் இனப்படுகொலை மற்றும் இன சுத்திகரிப்புக்கு ஜனநாயக கட்சி நிர்வாகத்தின் தொடர்ச்சியான ஆதரவை, இஸ்ரேலிய பாசிச தலைவருக்கு அவர்கள் உறுதியளிப்பார்கள்.
பொலிஸ் பயங்கரவாதத்தின் ஆட்சி அமெரிக்க முதலாளித்துவ சமுதாயத்தின் முற்றிலும் தன்னலக்குழு தன்மையுடன் பிணைக்கப்பட்டுள்ளது. பாரிய வறுமை மற்றும் ஒரு நூற்றாண்டுக்கும் மேலாக காணப்படாத சமத்துவமின்மைகளின் அளவுகளுடன், வேறு எந்த நாட்டையும் விட அதிகமான பில்லியனர்கள் அமெரிக்காவில் உள்ளனர்.
பொலிஸ் வன்முறையை முதன்மையாக ஒரு இனப் பிரச்சினையாக முன்வைக்க பைடென் மற்றும் ஜனநாயகக் கட்சியினர் முயற்சித்த போதிலும், தொழிலாள வர்க்கத்தை பிரிக்க அடையாள அரசியலை அவர்கள் ஊக்குவித்து வருகின்றனர். உண்மை என்னவென்றால், இது ஒரு சமூக நிகழ்வுப்போக்காக இருந்து வருகிறது. இது, அவர்களின் தோல் நிறம் அல்லது இனத்தைப் பொருட்படுத்தாமல், தொழிலாள வர்க்கம், ஏழைகள் மற்றும் சமூகத்தில் மிகவும் பாதிக்கப்படக்கூடியவர்களை பெரிதும் பாதிக்கிறது. ஆப்பிரிக்க அமெரிக்கர்கள் விகிதாசார விகிதத்தில் கொல்லப்பட்டாலும், ஒவ்வொரு ஆண்டும் அதிக எண்ணிக்கையிலான பாதிக்கப்பட்டவர்கள் வெள்ளை நிறத்தில் உள்ளனர்.
பொலிஸ் வன்முறை பற்றிய கேள்வி மற்றும் அதை எவ்வாறு தீர்ப்பது என்பது ஒரு வர்க்க கேள்வியாகும். உண்மையில், அவை சமத்துவமின்மையை நடைமுறைப்படுத்தவும், ஆளும் வர்க்கத்தின் உரிமையாளர் நலன்களைப் பாதுகாக்கவும் உருவாக்கப்பட்ட ஆயுதப்படைகள் ஆகும். அத்தோடு, மோசமான குண்டர்கள் மற்றும் மரணக் குழுக்களாக பொலிசார் செயல்படுகிறார்கள். அவர்களது இலக்கு ஆளும் வர்க்கத்தின் உள் எதிரியான தொழிலாள வர்க்கம் ஆகும்.
இந்த முடிவில்லாத கொலை மற்றும் குழப்பத்திற்கான தீர்வு, சீர்திருத்தங்களில் இல்லை, ஆனால் முதலாளித்துவ அமைப்பை அகற்றுவதற்கும், சோசலிசத்தை உருவாக்குவதன் மூலம் சமூக ஏற்றத்தாழ்வுகளுக்கு முற்றுப்புள்ளி வைப்பதற்கும் தொழிலாள வர்க்கத்தை ஐக்கியப்படுத்தி அரசியல் ரீதியாக அணிதிரட்டுவதன் மூலம் பொலிசாரை ஒழிப்பதில் உள்ளடங்கி இருக்கிறது.