மொழிபெயர்ப்பின் மூலக் கட்டுரையை இங்கே காணலாம்

எரிபொருள் விலை உயர்வு மற்றும் தங்கள் தொழிலின் மோசமான வேலை நிலைமைகளை எதிர்த்து ஸ்பெயின் லாரி ஓட்டுனர்கள் நேற்று நாடு தழுவிய காலவரையற்ற வேலைநிறுத்தத்தை தொடங்கினர். ஸ்பெயினின் சோசலிஸ்ட் கட்சி-பொடேமோஸ் (PSOE-Podemos) அரசாங்கத்தை இலக்காகக் கொண்ட இந்த வேலைநிறுத்தம், சிறிய லாரி நிறுவனங்கள் மற்றும் சுயதொழில் செய்யும் லாரி ஓட்டுனர்களை பிரதிநிதித்துவப்படுத்தும், வணிகப் பொருட்களின் சாலைப் போக்குவரத்தின் பாதுகாப்புக்கான தளத்தால் (Platform for the Defense of Road Transport of Merchandise) அழைப்பு விடுக்கப்பட்டது. பாஸ்க் (Basque) நாடு மற்றும் நவார் (Navarre) இல் உள்ள பிராந்திய லாரிகள் சங்கங்களும் வேலைநிறுத்தத்தில் இணைந்துள்ளன.

இந்த வேலைநிறுத்தம், ரஷ்யாவிற்கு எதிரான நேட்டோ-ஐரோப்பிய ஒன்றியத் தடைகளால் இப்போது துரிதப்படுத்தப்பட்டுள்ள பணவீக்கம் மற்றும் எரிபொருள் விலை உயர்வுக்கு எதிராக லாரி ஓட்டுனர்களின் வளர்ந்து வரும் சர்வதேச இயக்கத்தின் ஒரு பகுதியாகும். இத்தாலிய லாரி ஓட்டுனர்கள் அதிக எரிபொருள் விலைக்கு எதிராக நாடு தழுவிய வேலைநிறுத்தத்திற்கும், மார்ச் 19 அன்று எதிர்ப்பு நடவடிக்கைகளுக்கும் திட்டமிடுகின்றனர், மேலும் மொராக்கோ லாரி ஓட்டுனர்கள் தற்போது எரிபொருள் விலையை எதிர்த்து மூன்று நாள் வேலைநிறுத்தத்தில் ஈடுபட்டுள்ளனர். மார்ச் 21 அன்று பிரெஞ்சு லாரி ஓட்டுனர்களின் வேலைநிறுத்தத்திற்கான அழைப்புகள் பரவி வருகின்றன.

வணிகப் பொருட்களின் சாலைப் போக்குவரத்தின் பாதுகாப்புக்கான தளத்தின் (Platform) மூலம் ஸ்பானிய வேலைநிறுத்தத்திற்கு முன்வைக்கப்பட்ட முக்கிய கோரிக்கை, எரிபொருள் விலை உயர்வுக்கு ஈடுசெய்ய எரிபொருள் வரிகளை குறைக்க வேண்டும். பணவீக்கத்தின் எழுச்சி, பிப்ரவரியில் 7.5 சதவீதத்தை எட்டியுள்ளது, குறிப்பாக இது 14 ஆண்டுகளில் மிக அதிகமாக, எரிபொருள் விலையை கடுமையாக பாதித்துள்ளது, உக்ரேன் மோதலில், ரஷ்யா மீதான நேட்டோ மற்றும் ஐரோப்பிய ஒன்றிய (EU) பொருளாதாரத் தடைகளால் நிலைமை மோசமடைந்து, ஐரோப்பாவிற்கு எண்ணெய் மற்றும் எரிவாயு ஏற்றுமதியை நிறுத்த அச்சுறுத்துகிறது. பெட்ரோல் விலை லிட்டருக்கு 1.68 யூரோக்கள் மற்றும் டீசல் 1.58 யூரோக்களை எட்டியது, இவை இரண்டும் ஸ்பெயினில் இதுவரை பதிவு செய்யப்படாத அதிகபட்ச விலைகளாகும், இது டிசம்பரில் இருந்து முறையே 13.8 மற்றும் 17.6 சதவீதம் ஆக உயர்ந்துள்ளது.

வேலைநிறுத்த நடவடிக்கைக்கான அதன் அழைப்பில், லாரி ஓட்டுனர்கள் எதிர்கொள்ளும் நிலைமை அவநம்பிக்கையானது என்று தளம் (Platform) எச்சரித்தது: “அனைத்து வகையிலும் வேலை நிலைமைகள் மிகவும் ஆபத்தானதாக இருந்தாலும், 90 சதவீத சிறிய மற்றும் நடுத்தர அளவிலான போக்குவரத்து நிறுவனங்கள் முழு திவால் நிலையில் உள்ளன. இந்த விளைவுகளை சுயதொழில் செய்யும் ஓட்டுநர்களும் உணருகிறார்கள், நாங்கள் முன்வைக்கும் கோரிக்கைகளில் அவர்களைப் பாதுகாப்போம்.'

வேலைநிறுத்தம் அதன் முதல் நாளில் பிளாட்ஃபார்ம் அமைப்பால் பிரதிநிதித்துவப்படுத்தப்பட்ட 90 சதவீத லாரி ஓட்டுனர்களால் பரவலாகப் பின்பற்றப்பட்டது. இது, முக்கிய துறைமுகங்களில் இருந்து சரக்கு விநியோகத்தை சீர்குலைத்தது, நெடுஞ்சாலைகளைத் தடுத்தது மற்றும் ஸ்பெயினின் பெரும்பகுதியில் உள்ள கடைகளுக்கு உணவு மற்றும் பிற முக்கிய பொருட்களை விநியோகிப்பதை தாமதமாக்கியது. Asturias அல்லது El Bierzo உட்பட சில பிராந்தியங்களில், அனைத்து லாரிகள் போக்குவரத்தும் மூடப்பட்டது.

மாட்ரிட், பார்சிலோனா, வலென்சியா, முர்சியா, செவில்லா, மலாகா, டாரகோனா மற்றும் அல்பாசெட் உள்ளிட்ட ஸ்பெயினின் பல பெரிய நகரங்களில் லாரி ஓட்டுனர்கள் நெடுஞ்சாலை போக்குவரத்து அல்லது தொழில்துறை மண்டலங்களை முற்றுகையிட்டனர். பார்சிலோனா, வலென்சியா, பில்பாவோ, டாரகோனா, கொருனா மற்றும் சான் செபாஸ்டியன் உள்ளிட்ட ஸ்பானிய துறைமுகங்களில் லாரிகள் போக்குவரத்தை முழுவதுமாகவோ அல்லது பகுதியாகவோ முற்றுகையிட்டனர். அவர்கள் மாட்ரிட், பார்சிலோனா, மல்லோர்கா உள்ளிட்ட நகரங்களில் உள்ள நகரசபை கட்டிடங்களுக்கு முன்னே போராட்டங்களை நடத்தினர்.

லாரி ஓட்டுனர்களின் வேலைநிறுத்தம், ஸ்பெயினின் முக்கிய நகரங்களின் பல்பொருள் அங்காடிகளில் உணவுப் பற்றாக்குறையை விரைவாக ஏற்படுத்தக்கூடும் என்பதற்கான அறிகுறிகள் அதிகரித்து வருகின்றன. வேலைநிறுத்தம் செய்த லாரி ஓட்டுனர்கள், பார்சிலோனா பகுதியில் உள்ள பழங்கள், காய்கறிகள், மீன் மற்றும் இறைச்சி பதப்படுத்தும் நடவடிக்கைகளைக் கொண்டிருக்கும் முக்கிய உணவு-வணிகத் தோட்டமான மெர்காபர்னாவுக்கு (Mercabarna) போக்குவரத்தைத் தடுத்தனர். மாட்ரிட் நகரசபை தலைவர் ஹோசே லூயிஸ் மார்டினேஸ்-அல்மைடா நேற்று 'இப்போதைக்கு' மெர்காமாட்ரிட்டில் பற்றாக்குறை எதுவும் இல்லை என்று கூறினார்.

வேலைநிறுத்தத்திற்கு அழைப்பு விடுக்கும் மேடையின் (Platform) தலைவர் மானுவல் ஹெர்னாண்டஸ்: “இந்த வேலைநிறுத்தம் நீடித்தால், ஒவ்வொரு பல்பொருள் அங்காடியின் அலமாரிகளிலும் அது உணரப்படும். இது எல்லாவற்றையும் பாதிக்கும்.' தற்போதைய நிலைமை நீடிக்காது என எச்சரித்தார்

லாரி ஓட்டுனர்களின் கோரிக்கைகளுக்கு அரசாங்கம் திருப்திகரமாக பதில் அளிக்கவில்லை என்றால் வேலைநிறுத்தம் தொடரும் என்று ஹெர்னாண்டஸ் உறுதியளித்தார். 'நாங்கள் தொடர்ந்து நிலைமையை மோசமாக்குவோம், நாங்கள் பிரதிநிதித்துவப்படுத்தும் ஆயிரக்கணக்கான குடும்பங்களின் பொறுமையில் சார்ந்துள்ளோம், மேலும் அவை அவசியமின்றி வேலைநிறுத்தம் செய்கின்றன.'

நேற்று காலை வேலைநிறுத்தத்தில் பங்கேற்ற ஒரு லாரி ஓட்டுனர் கூறியதாவது: “மக்கள் வேலைநிறுத்தம் செய்வதில் மிகுந்த ஆர்வத்துடன் இருப்பதைக் கண்டு நான் மகிழ்ச்சி அடைகிறேன். நாங்கள் வேலைநிறுத்தம் செய்தால், நாட்டை முற்றிலுமாக முடக்கும் ஒரு தொழிற்துறையாக இருக்கிறோம்.”

இந்த வேலைநிறுத்தத்தின் மூலம், ஸ்பெயினின் லாரி ஓட்டுனர்கள் ஒரு பிற்போக்குத்தனமான PSOE-Podemos அரசாங்கத்திற்கு எதிரான போராட்டத்தில் ஈடுபட்டுள்ளனர், அது ஊதியங்கள் மற்றும் வாழ்க்கைத் தரங்களை வெட்டுவதற்கும் ரஷ்யா மீது போர் தொடுப்பதிலும் உறுதியாக உள்ளது. லாரி ஓட்டுனர்களுக்கு முன்னோக்கி செல்லும் வழி, தொழிலாள வர்க்கத்தின் பக்கம் திரும்புவதே ஆகும். அரசு மற்றும் வங்கிகளில் இருந்து எதிர்கொள்ளும் இரக்கமற்ற எதிர்ப்பிற்கு எதிரான போராட்டத்தில், லாரி ஓட்டுனர்கள் தொழிலாளர்களின் பரந்த அடுக்குகளை அணிதிரட்ட வேண்டும். ஆசிரியர்கள், உலோகத் தொழிலாளர்கள் மற்றும் பொதுத்துறை தொழிலாளர்கள் ஏற்கனவே வேலைநிறுத்தத்தில் ஈடுபட்டுள்ளனர் அல்லது ஸ்பெயின் மற்றும் அதற்கு அப்பால் உள்ள ஒப்பந்த தகராறுகளுக்காக வேலைநிறுத்தம் செய்ய தயாராகி வருகின்றனர்.

ஸ்பெயினின் தொழிற்சங்க அதிகாரத்துவங்களில் இருந்து சுயாதீனமாக தொழிலாளர்கள் அணிதிரட்டப்பட வேண்டும். ஆளும் கட்சிகளான PSOE-Podemos ஆகியவற்றின் கருவிகளான சமூக ஜனநாயக தொழிலாளர் பொது சங்கம் (UGT) மற்றும் ஸ்ராலினிச தொழிலாளர் ஆணையங்கள் (CCOO) ஆகியவை சமூக வெடிப்புக்கு அஞ்சி வேலைநிறுத்தத்தை எதிர்க்கின்றன. CCOO நேற்று ஒரு அறிக்கையை வெளியிட்டது, அதில் வேலைநிறுத்தம் 'தொழில்துறை எதிர்கொள்ளும் பிரச்சினைகளை தீர்க்க முன்னோக்கி செல்லும் வழி அல்ல' மற்றும் மாநில, தொழிற்சங்கங்கள் மற்றும் லாரி ஓட்டுனர்கள் வணிக கூட்டமைப்புக்கு இடையே பேச்சுவார்த்தைக்கு அழைப்பு விடுத்தது.

எவ்வாறாயினும், இந்த கூட்டமைப்பு, சாலை போக்குவரத்துக்கான தேசிய குழு (CNTC), வேலைநிறுத்தத்திற்கு கடுமையான விரோதமாக உள்ளது. ஸ்பெயினின் லாரிகள் போக்குவரத்தில் ஏறக்குறைய 85 சதவீதத்தை பிளாட்ஃபார்ம் (Platform) பிரதிநிதித்துவப்படுத்துகிறது, இது சிறிய நிறுவனங்கள் அல்லது சுயதொழில் லாரி ஓட்டுனர்களால் கையாளப்படுகிறது, PSOE-Podemos அரசாங்கத்தால் கட்டளையிடப்பட்ட விலை உயர்வு குறித்து பேச்சுவார்த்தை நடத்த திட்டமிட்டுள்ள பெரிய நிறுவனங்களுக்காக CNTC பேசுகிறது.

நேற்று, CNTC ஆனது ரஷ்யாவிற்கு எதிரான நேட்டோ போர் உந்துதலை மேற்கோள் காட்டி வேலைநிறுத்தத்தை முடிவுக்கு கொண்டுவர அழைப்பு விடுத்தது. அது கூறியது: 'குறிப்பாக இது காலவரையற்ற நடவடிக்கை என்று அழைக்கப்பட்டால் மற்றும் தெளிவான இலக்குகள் இல்லாமல் போக்குவரத்து வேலைநிறுத்தத்தைத் தொடங்குவதற்கான நேரம் இதுவல்ல. ஏனெனில் இது உக்ரேன் மீதான ரஷ்ய ஆக்கிரமிப்பின் காரணமாக நாம் கடந்து வரும் ஒரு சிக்கலான சூழ்நிலையை சீர்குலைத்துவிடும்.”

வேலைநிறுத்தத்தை ஒருங்கிணைக்கும் தளம் (Platform), CNTCயை கண்டித்து பதிலளித்தது: 'தேசியக் குழு எங்களுக்கு துரோகம் இழைத்துவிட்டது, அது தொடர்ந்து எரிபொருளை நெருப்பில் ஊற்றுகிறது. இந்த நாட்டில் அனைத்து பொருளாதார நடவடிக்கைகளுக்கும் போக்குவரத்து இன்றியமையாதது, மேலும் லாரிகள் உலகளவில் போக்குவரத்துக்கு முக்கியமானது, லாரிகள் இல்லாமல் கப்பல்கள் இல்லை. அமைச்சகம் யாருடைய பேச்சையும் கேட்கவில்லை.

PSOE-Podemos அரசாங்கம் உண்மையில் லாரி ஓட்டுனர்களுக்கு உதவும் எண்ணம் இல்லை என்றும் அதற்குப் பதிலாக அடக்குமுறைக்குத் தயாராகி வருவதாகவும் சுட்டிக்காட்டியுள்ளது. நிதி அமைச்சகம் ஒரு அறிக்கையை வெளியிட்டது, போக்குவரத்து தொழிலுக்கு உதவுவதற்கு, 'சிறிது அல்லது வரம்பும் இல்லை' என்று அறிவிக்கிறது, ஏனெனில் எரிபொருள் வரிகளை குறைப்பது 'பெரிய செலவுகளை' ஏற்படுத்தும். போக்குவரத்து மந்திரி ராகுவேல் சான்செஸ், 'அணிதிரட்டல்கள் அல்லது வேலைநிறுத்தங்களை ஏற்பாடு செய்வதற்கு இது சிறந்த நேரம் அல்ல' என்று கூறினார்.

ஒரு போக்குவரத்து வணிகக் கூட்டமைப்பான ஸ்பானிய வணிகப் போக்குவரத்துக் கூட்டமைப்பு (CETM), வேலைநிறுத்தம் செய்யும் லாரி ஓட்டுனர்களின் மறியல் போராட்டங்களை அடித்து நொறுக்க கலகத் தடுப்பு போலீஸாருடன் ஒத்துழைக்க விரும்புவதாக அறிவித்துள்ளது.

PSOE மற்றும் Podemos ஆகியவை பிற்போக்குத்தனமான முதலாளித்துவக் கட்சிகள், தொழிலாளர்களுக்கு கடுமையான விரோதப் போக்கைக் கொண்டுள்ளன, அதன் சர்வதேச கூட்டாளிகள் வேலைநிறுத்தம் செய்யும் லாரி ஓட்டுனர்களுக்கு எதிராக காவல்துறை மற்றும் இராணுவத்தை கூட அனுப்புவதற்கு ஆதரவளித்துள்ளனர். பொடேமோஸின் கிரேக்க கூட்டாளியான சிரிசா, 2010 இல் ஐரோப்பிய ஒன்றியத்தின் (EU) சிக்கன கொள்கைகளுக்கு எதிராக ஒரு லாரி ஓட்டுனர்களின் வேலைநிறுத்தத்தை நசுக்க இராணுவத்தை அணிதிரட்டுவதற்கு ஆதரவளித்தது. நாடு முழுவதும் பெட்ரோல் நிலையங்கள் வறண்டு கிடப்பதால், லாரி ஓட்டுனர்களை வேலைக்குத் திரும்ப கட்டாயப்படுத்த போர்த்துகீசிய சோசலிஸ்ட் கட்சி ஆகஸ்ட் 2019 இல் இராணுவத்தை அழைத்தது.

பணம் இல்லை என்ற முதலாளித்துவ அரசாங்கங்களின் கூற்றுக்களை லாரி ஓட்டுனர்கள் அவமதிப்புடன் நிராகரிக்க வேண்டும். COVID-19 தொற்றுநோய் தொடங்கியதில் இருந்து, ஐரோப்பிய ஒன்றியம் வங்கிகள் மற்றும் பெரு நிறுவனங்களை பிணை எடுக்க டிரில்லியன் கணக்கான யூரோக்களை விநியோகித்துள்ளது. அதே நேரத்தில், வைரஸுக்கு எதிராக பூஜ்ஜிய கோவிட் கொள்கையை செயல்படுத்த பணம் இல்லை என்று அது கூறுகிறது, இது ஐரோப்பாவில் 1 மில்லியனுக்கும் அதிகமான உயிர்களைக் கொல்ல அனுமதித்தது. இப்போது, ஆளும் வர்க்கம், தொழிலாளர்கள் மற்றும் சிறு வணிகர்களுக்கு உதவ பணம் இல்லை என்று கூறுகிறது, ஏனெனில் ரஷ்யா மீது போர் தொடுக்க அனைத்தையும் தியாகம் செய்ய வேண்டுமாம்.

வெளிநாட்டில் உலகளாவிய போர் மற்றும் உள்நாட்டில் தொழிலாளர்கள் மீதான போர் என்ற நிதியப் பிரபுத்துவத்தின் நிகழ்ச்சி நிரலுக்கு எதிராக தொழிலாள வர்க்கத்தின் பரந்த சர்வதேச அணிதிரட்டல்தான் தீர்க்கமான கேள்வியாக உள்ளது. ஊழல் நிறைந்த தேசிய தொழிற்சங்கங்களுக்கு எதிராக இந்த வளர்ந்து வரும் சர்வதேச இயக்கத்தை ஒழுங்கமைப்பதற்கும் ஒருங்கிணைப்பதற்கும், சாமானியத் தொழிலாளர் குழுக்களது சர்வதேசக் கூட்டணி (IWA—RFC) ஐ உருவாக்குதல் மற்றும் சிறு வணிகங்களுக்கு தாராளமான பொது உதவி உட்பட சோசலிச கொள்கைகளுக்காக போராடுதல் அவசியமானதாகும்.