மொழிபெயர்ப்பின் மூலக் கட்டுரையை இங்கே காணலாம்

வேர்ஜீனியாவின், டப்ளினில் உள்ள நியூ ரிவர் வலி ஆலையில், உற்பத்தி மிகக் குறைவாகவே நடந்ததாக வொல்வோ டிரக்ஸ் தொழிலாளர்கள் திங்களன்று தெரிவித்தனர். அண்ணளவாக 3,000 தொழிலாளர்கள் ஐந்து வார வேலைநிறுத்தம் முடிந்த பின்னர் மீண்டும் வேலைக்கு வந்த முதல் முழு நாள் இது. வேலைநிறுத்தத்தின் போதான உற்பத்தி இழப்பை சரிசெய்ய முனையும் நிறுவனத்திற்கும் தொழிலாளர்களுக்கும் இடையே எட்டப்பட்ட உண்மையான நிலைப்பாடு பற்றி உலக சோசலிச வலைத் தளத்திற்கு (WSWS) பேசிய தொழிலாளர்கள் விவரித்தனர்.

வேலைக்குத் திரும்பும் தொழிலாளர்களும் கூட திங்களன்று ஐக்கிய வாகனத்துறை தொழிற்சங்கத்தின் (UAW) லோக்கல் 2069 இன் அதிகாரிகளுடன் கோபமாக மோதினர். அநேகமாக மூன்றில் இரண்டு பங்கு தொழிலாளர்களால் கொஞ்ச நாட்களுக்கு முன்னர் நிராகரிக்கப்பட்ட மூன்றாவது தற்காலிக ஒப்பந்தத்தின் மீது மறுவாக்களிக்க நிர்ப்பந்திக்க லோக்கல் அதிகாரிகள் UAW இன் சர்வதேச அமைப்புடன் இணைந்து வேலை செய்துள்ளனர். இந்த ஒப்பந்தம் புதன்கிழமை வாக்கெடுப்பில் வெறும் 17 வாக்குகள் வித்தியாசத்தில் நிறைவேற்றப்பட்டு, உடனடியாக வேலைநிறுத்தம் முடிவுக்குக் கொண்டுவரப்பட்டது என்று UAW கூறியது.

ஞாயிற்றுக்கிழமை மூன்றாவது மாற்றுப் பணி நேரம் மற்றும் திங்கட்கிழமை முதல் மாற்றுப் பணி நேரத்தின் போது, பாகங்கள் ஒருங்கிணைக்கப்படும் நிலையில் இருந்த சில கனரக வாகனங்கள் முழுமையாக முடிக்கப்பட்டன, என்றாலும் கனரக வாகனங்களின் பாகங்கள் ஒட்டுவேலை செய்து ஒருங்கிணைக்கப்படும் Station One பிரிவில் இருந்து புதிய வாகனங்கள் எதுவும் வெளிவரவில்லை என்று WSWS க்கு தொழிலாளர்கள் தெரிவித்தனர். “ஏராளமான தொழிலாளர்கள் ஒப்பந்தம் நிறைவேற்றப்படுவது குறித்து வெறுப்புடன் இருந்தனர், அத்தோடு இந்த இயந்திரங்களை இயக்குபவர்கள் (operators) உத்தியோகபூர்வமாக எதையும் பற்றி ஆணையிட முடியும்,” என்று ஒரு தொழிலாளி கூறினார்.

'எல்லோரும் கோபமாக இருக்கிறார்கள்,' என்று மற்றொரு தொழிலாளி கூறினார். “தொழிலாளர்கள் தங்களுக்குள் பேசிக் கொள்வதுடன், எங்களுக்கு நடந்த கொடுமை பற்றியும், சுகாதார செலவினங்களுக்காக எங்கள் தகுதிக்கு மீறி நாங்கள் எவ்வளவு செலவு செய்யப் போகிறோம் என்பதையும் கண்டறிகின்றனர், அதிலும் ஒப்பந்தத்தில் என்ன இருந்தாலும் அதுபற்றி UAW முழுமையாக எங்களுக்குத் தெரிவிக்கவில்லை. தொழிற்சங்கம் மற்றும் நிறுவனம் இரண்டுமே எங்களுக்கு செய்தது மோசமே. நிறுவனத்திற்கு எதிராக பேசுவதை விட எங்களை விற்றதற்காக UAW மீதுதான் அதிக வெறுப்பை நான் கேள்விப்பட்டேன்' என்றும் கூறினார்.

“காணாமல் போன உதிரிப் பாகங்கள் மற்றும் வேலைநிறுத்தத்துடன் இந்த ஆண்டு கடினமானதாக இருக்கும் என்பது பற்றி மேற்பார்வையாளரின் குறிப்புகள் வாசிக்கப்பட்டு நாள் தொடங்கியது,” என்று அத்தொழிலாளி தொடர்ந்து கூறினார். “இரண்டு அல்லது மூன்று வாரங்களுக்கு முன்னரே எங்களை ஆலைக்கு வேலைக்கு திரும்ப வைக்க முடியும் என்று அவர்கள் நம்பியிருந்தனர். ஆனால் இது ஒரு முட்டுக்கட்டை.”

'அவர்கள் உற்பத்தியை அதிகரிக்க முயற்சிக்கிறார்கள், என்றாலும் உற்பத்தி வாரியாக எதையும் அவர்கள் பெறவில்லை. மக்கள் அங்கும் இங்குமாக ஒரு சில லாரிகளில் வேலை செய்கிறார்கள், வேலைநிறுத்தத்தின் தாக்கத்தால் அவை பாதிக்கப்பட்டிருப்பதை நாம் காணலாம். எழுத்துப் பணிகள் முடியாத கனரக வாகனங்கள் விற்பனைக்கு காத்திருப்பதை நீங்கள் காணலாம், அது பனிச்சறுக்கு போல உள்ளது, ஏனென்றால் ஒரு மாதத்திற்கும் மேலாக அவை வெயிலில் கிடந்தன. சில வாகனங்கள் வரிசையில் உள்ளன, ஆனால் அது முன்பு போல் இல்லை. மேலும், வேலைநிறுத்தத்திற்குப் பின்னர் நிறைய வயதானவர்கள் ஓய்வு பெறுகிறார்கள், அவர்களிடம் நிறைய ஊழியர்கள் இல்லை.'

மேலும், நிறுவனத்தின் முன்னைய கூற்றுக்களுக்கு முரணாக, வேலைநிறுத்தத்தின் போது புதிய ஆலைக்கான கட்டுமானப் பணியும் நியூ ரிவர் வலி ஆலையின் பிற மேம்படுத்தல் பணிகளும் தொடர்ந்து நடைபெற்றன என்று அந்த தொழிலாளி கூறினார். மூன்றாவது தற்காலிக ஒப்பந்தத்தின் மீதான ஜூலை 9 வாக்கெடுப்பின் போது, வொல்வோ நிர்வாகம், “ஏற்கனவே வாகன நேர்த்திப் பணியை ஆலைக்கு மாற்றுவதற்கு அது முதலீடு செய்யவிருந்ததை இரத்து செய்துவிட்டதாகவும்” மேலும், வேலைநிறுத்தத்தால் “ஆபத்து அதிகரிக்கும் எதிர்கால முதலீடுகள் நிராகரிக்கப்பட்டு வருகின்றன” என்றும் கூறி UAW ஆதரவு ஒப்பந்தத்திற்கு வாக்களிக்க வைக்க தொழிலாளர்களை கொடுமைப்படுத்த முயன்றது.

“கட்டுமானத் தொழிலாளர்களும் துணை ஒப்பந்தக்காரர்களும் ஒரு நாள் விடாமல் வந்தனர்,” என்று WSWS க்கு தொழிலாளி தெரிவித்தார். “நிர்வாகம் கூறியது அனைத்தும் பொய்கள், பொய்கள், பொய்கள் தான்” என்றும் கூறினார்.

ஞாயிற்றுக்கிழமை மூன்றாவது மாற்றுப்பணி நேரத்தில் பணி செய்த தொழிலாளர்கள் பேரம்பேசுதல் குழு குறித்து UAW லோக்கல் 2069 பிரதிநிதியுடன் சண்டையிட்டதாக மற்றொரு தொழிலாளி கூறினார். “மூன்றாவது மாற்றுப் பணி நேர பிரதிநிதி மறைத்து வைக்கப்பட்டிருக்கிறார், அதாவது ஜனவரி முற்பகுதியில் இருந்து ஆலைக்குள் அவரை இப்போது தான் முதல் முறையாக நாங்கள் பார்த்தோம். அவர் முகத்தை காட்டியவுடன், அனைவரும் அவரை கடுமையாக திட்டினர். அவர் பேரம்பேசுதல் குழுவில் இருந்தவராவார், மேலும் மூன்றாவது தற்காலிக ஒப்பந்தத்தின் (TA3) மீதான மறு வாக்கெடுப்பு தொடர்பாக UAW தான் வொல்வோவை தொடர்பு கொண்டதே தவிர, வொல்வோ UAW ஐ தொடர்பு கொள்ளவில்லை என்பதாக அவர் எங்களிடம் தெரிவித்தார். வொல்வோ கடைசி/இறுதி சலுகையில் பிடிவாதமாக இருக்கப் போகிறது என்பதுடன் அதைவிடச் சிறந்த ஒன்று இனி வெளிவராது என்பது பற்றி UAW கவலைப்பட்டதாகவும் அவர் கூறினார். ஆகவே, TA3 மீதான மறு வாக்கெடுப்புக்கு UAW பரிசீலிப்பதை வொல்வோ ஏற்றுக்கொண்டது என்றார். ஒப்பந்தத்தை நிறைவேற்ற முயற்சிக்க அச்சுறுத்தல்களை தூக்கியெறிந்துவிட்டு தொழிலாளர்களை கொடுமைப்படுத்துவது தான் சரி என்று அவர்கள் நினைத்ததாக நான் அனுமானிக்கிறேன்” என்று தொழிலாளி கூறினார்.

வேறு வார்த்தைகளில் கூறுவதானால், தொழிலாளர்கள் ஒப்பந்தத்தை தீர்க்கமாக நிராகரித்து சில நாட்களில், வொல்வோ அதன் “கடைசி, சிறந்த மற்றும் இறுதியான” சலுகையை வழங்குவதாக ஒருதலைப்பட்சமாக அறிவித்தது நிறுவனம் மற்றும் UAW இரண்டிற்கும் எதிராக தொழிலாளர்கள் மத்தியில் பெரும் எதிர்ப்பைத் தூண்டக்கூடும் என்று UAW பயந்தது. UAW தலைவர் ரே காரி யும் மற்றும் UAW இன் எஞ்சிய உயர்மட்ட நிர்வாகிகளும், இத்தகைய கிளர்ச்சி, NRV இன் கருங்காலிகளின் உற்பத்தியிலான வாகன பாகங்களை கையாள மறுத்து வேலைநிறுத்தத்திற்கு முழு ஆதரவளிக்க ஏற்கனவே ஆர்வமாகவுள்ள பென்சில்வேனியா மற்றும் மேரிலாந்து மாநிலங்களின் மாக் கனரக வாகன ஆலைகள் உட்பட, ஏனைய வொல்வோ பிரிவுகளுக்கும் வேலைநிறுத்தத்தை விரிவடையத் தூண்டும் என்று கருதுகின்றனர்.

இந்த நிலைமைகளின் கீழ், நிராகரிக்கப்பட்ட ஒப்பந்தத்தில் புதிய வாக்கெடுப்பை ஏற்பாடு செய்ய UAW வொல்வோ நிர்வாகத்தை தொடர்பு கொண்டு, எப்படியாவது ஒப்பந்தத்தை செயல்படுத்த நிறுவனத்திற்கு ஒரு மூடிமறைப்பை வழங்கியது. UAW ஒரு புதிய வாக்கெடுப்பை நடத்த ஒருவித சட்டபூர்வமான கடமைக்கு உட்பட்டது என்ற பொய்களின் பிரச்சாரமும் இதனுடன் இருந்தது. அதே நேரத்தில், வேலைநிறுத்தத்தை தற்காலிகமாக நிறுத்திவைப்பதாகவும், தொழிலாளர்கள் அதை மீண்டும் நிராகரித்தாலும் ஒப்பந்தத்தை விதிக்க நிறுவனத்தை அனுமதிக்கும் என்றும் UAW தெளிவுபடுத்தியுள்ளது.

“வொல்வோ மற்றும் ஃபிராங்கி [மார்ச்சண்ட், ஆலை மேலாளர்] உடன் எனக்கு எந்தப் பிரச்சினையும் இல்லை என ஏனைய தொழிலாளர்களிடம் நான் கூறியுள்ளேன்,” என்றும், “அவர்கள் அவர்களது வேலையைச் செய்தனர். எங்கள் மீது இந்த குப்பைகளைத் திணித்த மற்றும் எங்களை விற்றுவிட்ட தொழிற்சங்கம் மற்றும் UAW தலைமையுடன் தான் எனக்கு பிரச்சினை உள்ளது” என்றும் மற்றொரு தொழிலாளி WSWS க்கு தெரிவித்தார்.

மேலும் மற்றொரு தொழிலாளி, “‘கடைசி, சிறந்த மற்றும் இறுதி’ வணிகம் குறித்து வொல்வோவுடன் இணைந்து UAW வேலை செய்ததை நாங்கள் கடந்த காலத்தில் வைக்க மாட்டோம் என்று பெரும்பாலான தொழிலாளர்கள் கூறினர். 2011 மற்றும் 2015 ஆண்டுகளுக்கிடையில் பணியமர்த்தப்பட்ட தொழிலாளர்களுக்கு ஒருசில கூடுதல் டாலர்கள் வழங்க UAW ஒப்புக்கொண்டதால் UAW க்கு தொழிலாளர்கள் மாதாந்திரம் வழங்க வேண்டிய தொகை 190,000 டாலராக மாறும் என்பதை UAW பிரதிநிதி ஒப்புக்கொண்டார். இதற்கிடையில், ஒரு தொழிலாளி அவரது மகனும் இங்கு வேலைக்கு வந்துள்ளார் என்றால், 1990 களில் இருந்து அவர் தனது முதல் சம்பளத்தை பெற்றதாக அவர் கணக்கிடப்பட்டார். 1990 களில் ஒரு மணி நேரத்திற்கு 15 டாலர் வருமானத்துடன் அவர் தொடங்கியிருப்பார், கிட்டத்தட்ட அதேபோல, கடந்த 30 ஆண்டுகளில் அனைத்து பணவீக்கங்களுடன் கூட அவரது மகன் இன்று சம்பாதிப்பதை விட ஒரு டாலர் மட்டும் குறைவாக அது இருந்திருக்கலாம்.

“UAW ஐ இத்துடன் வெளியேறும்படி சிலர் கூறுகின்றனர், ஆனால் வொல்வோ சாமானிய தொழிலாளர்கள் குழு (VWRFC) நாங்கள் அவர்களுடன் போராட முடியும் என்பதை எடுத்துக் காட்டியதால், இப்போது நாங்கள் போராட்டத்தை தொடர வேண்டும்,” என்று தொழிலாளி கூறினார்.

UAW ஆல் காட்டிக்கொடுக்கப்பட்ட எண்ணற்ற முன்னைய போராட்டங்களைப் போலல்லாமல், இந்த ஆண்டின் வொல்வோ வேலைநிறுத்தத்தின் போது, தொழிலாளர்கள் UAW இன் பொய்களை அம்பலப்படுத்திய வொல்வோ சாமானிய தொழிலாளர்கள் குழுவின் புதிய குரல் கொடுப்பையும் தலைமையையும் பெற்றுள்ளனர். VWRFC, வேலைநிறுத்தத்தை UAW தனிமைப்படுத்துவதை உடைக்க ஒரு மூலோபாயத்தை முன்னெடுத்தது, மேலும் மாக் கனரக வாகனத் தொழிலாளர்களையும், டெட்ராய்ட் மற்றும் பிற நகரங்களில் உள்ள வாகனத் தொழிலாளர்களையும், மற்றும் பெல்ஜியம், ஆஸ்திரேலியா, கனடா மற்றும் ஏனைய நாடுகளிலுள்ள வொல்வோ தொழிலாளர்களையும் அணிதிரட்டவும் கோருகிறது.

ஞாயிற்றுக்கிழமை இரவு வெளியிடப்பட்ட அறிக்கையில், VWRFC மாதங்கள் நீடித்த போராட்டத்தின் படிப்பினைகளை குறிப்பிட்டிருந்தது. இவ்வறிக்கை, “UAW நிறுவனங்களைத்தான் பிரதிநிதித்துவப்படுத்துகிறது, தொழிலாளர்களை அல்ல, எந்தளவிலான அழுத்தமும் இதை மாற்றாது. போக்கை மாற்றியும், எங்கள் கோரிக்கைகளை அடைய உழைத்தும் வொல்வோ உடனான அவர்களது ஒப்பந்தங்களை பெரும்பான்மை பலத்துடன் நாங்கள் நிராகரிப்பதற்கு பதிலளிப்பதற்கு பதிலாக, கடந்த வாரம் மறு வாக்கெடுப்பின் மூலம் மூன்றாவது தற்காலிக ஒப்பந்தத்தை செயல்படுத்துவதற்கு வொல்வோவுக்கு உதவுவதில் உச்சகட்டத்தை அடைந்து, UAW அதன் தகவல்களை இருட்டடிப்பு செய்வதை இரட்டிப்பாக்கியும், நிறுவனத்துடனான அதன் சதியை ஆழப்படுத்தியும் பதிலிறுத்தது” என்று கூறியது.

மேலும் இது, “எங்களது தேவைகளை நிறைவேற்றும் திறன் அதற்கு இல்லை என்பதை UAW காட்டியுள்ள நிலையில், அது ஒரு கூட்டுத் தேவையை குறைக்கவோ அல்லது நீக்கவோ இல்லை, எங்கள் நலன்களைப் பாதுகாக்கவும், அதற்காக போராடவும் சாமானிய தொழிலாளர்கள் அமைப்பு உள்ளது. வொல்வோ சாமானிய தொழிலாளர்கள் குழு, அனைத்து தொழிலாளர்களையும் ஒருங்கிணைக்கவும், அனைத்து தலைமுறையினரின் தேவைகளுக்காக குரல் கொடுக்கவும், வொல்வோ மற்றும் UAW இன் பொய்களை எதிர்த்துப் போராடவும் மற்றும் வேலைநிறுத்தத்தை வெற்றிபெறச் செய்வதற்கான பாதையைக் கண்டறியவும் போராட்டம் முழுவதும் போராடியது” என்று மேலும் கூறியது.

அறிக்கை நடவடிக்கைக்கு அழைப்பு விடுத்து பின்வருமாறு நிறைவுபெற்றது: “NRV இல் உள்ள வொல்வோ தொழிலாளர்களுக்கு, நாங்கள் கூறுகிறோம்: போராட்டம் தொடர்கிறது. புதிய ஒப்பந்தத்தின் முழு யதார்த்தமும் வெளிச்சத்திற்கு வரும் நிலையிலும், இழந்த உற்பத்தியை ஈடுசெய்ய நிறுவனம் வேகத்தை செயல்படுத்த முயற்சிக்கும் நிலையிலும், எதிர்ப்பும் கோபமும் தவிர்க்க முடியாமல் மறுபரிசீலனைக்குட்பட போகின்றன. நீங்கள் எங்கள் குழுவில் சேருமாறும், மேலும் இன்னும் வரவிருக்கும் போராட்டங்களை வழிநடத்தவுள்ள அமைப்பாக அதை உருவாக்க எங்களுக்கு உதவுமாறும் உங்களை நாங்கள் கேட்டுக்கொள்கிறோம்.

வொல்வோ தொழிலாளர்கள் வொல்வோ சாமானிய தொழிலாளர்கள் குழுவை (VWRFC), volvowrfc@gmail.com என்ற மின்னஞ்சல் முகவரி அல்லது (540) 307-0509 என்ற தொலைபேசி எண் மூலம் தொடர்பு கொள்ளலாம்.