சோசலிச சமத்துவக் கட்சியும் (அமெரிக்கா) மற்றும் உலக சோசலிச வலைத் தளமும் மிச்சிகனில் உள்ள ஆன் ஆர்பரில் ஆகஸ்ட் 14 முதல் ஆகஸ்ட் 20, 2005 வரை “மார்க்சிசம் மற்றும் நான்காம் அகிலத்தின் வரலாற்று அடித்தளங்கள்” என்ற தலைப்பில் ஒரு கோடைகாலப் பள்ளியை நடத்தியது.
இந்த பள்ளியின் போது அதில் பங்கேற்பாளர்கள் இருபதாம் நூற்றாண்டின் முக்கியமான தத்துவார்த்த மற்றும் வரலாற்று பிரச்சினைகள் குறித்த ஒன்பது சொற்பொழிவுகளைக் கேட்டனர். இதில் முக்கிய தலையங்களில் ஒன்றாக, நவீன கருத்தியல்வாதம், பிராங்பேர்ட் பள்ளி மற்றும் பல்வேறு வகையான மார்க்சிச எதிர்ப்பு ஆகியவற்றின் முக்கியத்துவத்தை மையமாகக் கொண்டிருந்தது. சோ.ச.க.வின் தேசிய செயலாளரும், WSWS இன் ஆசிரியர் குழுவின் தலைவருமான டேவிட் நோர்த், மார்க்சிசத்தின் தத்துவார்த்த அடித்தளங்கள்,முன்னோக்கின் விஞ்ஞானம் மற்றும் சமூக முன்னேற்றத்தில் புறநிலை உண்மையைப் பாதுகாத்தல் ஆகியவற்றை மையமாகக் கொண்ட தொடர் சொற்பொழிவுகளை வழங்கினார்.
மற்றைய விரிவுரையாளர்கள் முதல் உலகப் போரின் தோற்றம், ஜேர்மனியில் பாசிசத்தின் எழுச்சி, சோவியத் ஒன்றியத்தில் ஸ்ராலினிசத்தின் தோற்றம் மற்றும் அதன் எதிர் புரட்சிகர தன்மை, லியோன் ட்ரொட்ஸ்கியின் நிரந்தரப் புரட்சி தத்துவம் மற்றும் சோவியத் ஒன்றியத்தில் கலை மற்றும் கலாச்சாரத்தின் பிரச்சினைகள் பற்றிய ஆய்வு உள்ளடங்கலான ஒன்றுடன் ஒன்று தொடர்புபட்ட பரந்த ஏனைய தலைப்புகளில் பேசினர்.
1940 ஆகஸ்டில் லியோன் ட்ரொட்ஸ்கி படுகொலை செய்யப்பட்ட வேளையிலேயே, இருபதாம் நூற்றாண்டின் அரசியல் பண்புகளை தீர்மானித்த பின்வரும் அத்தனை முக்கிய நிகழ்வுகளும் ஏற்கனவே நடந்தேறி விட்டிருந்தன.
பத்தொன்பதாம் நூற்றாண்டின் கடைசி மூன்று தசாப்தங்களில் ஐரோப்பிய சோசலிச இயக்கத்தின் வளர்ச்சியும், தொழிலாள வர்க்கத்தின் மீது மார்க்சிசத்தின் தாக்கமும் உலக வரலாற்றில் மிகவும் அசாதாரணமான அரசியல் மற்றும் அறிவுசார் நிகழ்வுகளில் ஒன்றாகும்.
இந்த படைப்பைபோல் தவறான பொருள்விளக்கத்திற்கும் பொய்மைப்படுத்தலுக்கும் உள்ளான படைப்புகள் வெகுசிலவே. முதலாளித்துவ கல்வியறிவாளர்களில் இருக்கும் எண்ணிலடங்கா லெனின்-வெறுப்பாளர்களுக்கு —இவர்களில் சிலர் 1991 வரை லெனினைப் போற்றுவதை வேலையாகக் கொண்டிருந்தவர்கள்— இந்த நூல்தான் இருபதாம் நூற்றாண்டின் தீமைகள் அனைத்திற்கும் இல்லாவிடினும், பலதீமைகளுக்கு இறுதிப் பொறுப்பானதாகும்.
புரட்சிகர முன்னோக்கு என்பது சமூகப் பொருளாதார வளர்ச்சியின் புறநிலை போக்குகளை பற்றிய விஞ்ஞானபூர்வ ஆதாரங்களுடனான மதிப்பீட்டில் கட்டாயம் வேரூன்றியிருக்க வேண்டும். தேவையான புறநிலை சமூகப் பொருளாதார முன்நிபந்தனைகளால் ஆளுமை செலுத்தப்படாத நிலையில் ஒரு புரட்சிகர முன்னோக்கு வெறும் கற்பனை கோட்டையாகிவிடும்.
இரண்டு எதிரெதிர் முன்னோக்குகளுக்கு இடையிலான போராட்டத்தில் எழும்பும் அடிப்படைத் தத்துவார்த்த பிரச்சினைகள், 1920களின் பிற்பகுதியில் ஸ்ராலினிச அதிகாரத்துவத்திற்கு எதிரான ட்ரொட்ஸ்கியின் போராட்டமாக அமைந்த பிரச்சினைகள் என்பது மட்டுமல்ல, நான்காம் அகிலத்திற்குள்ளேயே கூட திரும்பத் திரும்ப நடைபெற்ற போராட்டங்களுக்கு கருப்பொருளாக இந்தப் பிரச்சினைகள் மறுஎழுச்சி கண்டிருந்தன