மொழிபெயர்ப்பின் மூலக் கட்டுரையை இங்கே காணலாம். 

பாசிச ஜனாதிபதியாக தேர்ந்தெடுக்கப்பட்டுள்ள டொனால்ட் ட்ரம்ப் கொண்டு வந்த அவதூறு வழக்கை தீர்ப்பதற்கு 16 மில்லியன் டாலர்களை செலுத்த ABC நியூஸ் எடுத்த முடிவு ஒரு பிரதான அரசியல் சமிக்ஞையாகும்.

பில்லியனர்கள் மற்றும் ABC இன் உரிமையாளரான டிஸ்னி போன்ற மிகப்பெரும் பெருநிறுவனங்களால் மேலாதிக்கம் செய்யப்படும் பெருநிறுவன ஊடகங்கள், வரவிருக்கும் ட்ரம்ப் நிர்வாகத்துடன் விரோதமான உறவு ஒருபுறம் இருக்க, ஒரு விமர்சனரீதியான உறவு என்ற பாசாங்கைக் கூட கைவிடுகின்றன. ட்ரம்ப் “முதல் நாளிலிருந்தே” ஒரு சர்வாதிகாரியாக ஆட்சி செய்ய உத்தேசித்துள்ளார் என்பதை தெளிவுபடுத்தியுள்ள நிலையிலும் கூட, ABC துண்டை வீசி எறிந்து வருகிறது.

ABC நியூஸுக்கு எதிரான ட்ரம்பின் வழக்கில் சம்பந்தப்பட்ட உண்மையான பிரச்சினைகளைப்பற்றி சுருக்கமாக கூற வேண்டும்: ABC யின் “இந்த வாரம்” என்ற நிகழ்ச்சியின் தொகுப்பாளர் ஜோர்ஜ் ஸ்டெபானோபௌலோஸ், கடந்த மார்ச் 10ம் தேதி, பிரதிநிதி நான்சி மேஸ் (ஆர்-தென் கரோலினா) உடனான ஒரு நேர்காணலில், ஈ. ஜீன் கரோல் மீதான பாலியல் வன்கொடுமையை மறுத்து, கரோலை பொய்யர் என்று அவதூறு செய்ததற்காக அவருக்கு எதிரான சிவில் வழக்குத் தீர்ப்புக்குப் பிறகு, ட்ரம்பை எப்படித் தொடர்ந்து ஆதரிக்க முடியும் என்று அவரிடம் கேட்டார்.

தான் ஒரு இளம் பெண்ணாக இருந்தபோது பாலியல் பலாத்காரம் செய்யப்பட்டதாக நான்சி மேஸ் வெளிப்படுத்தியிருந்தார். மேலும், அந்த சூழலில் ட்ரம்ப் வழக்கைப் பற்றி ஸ்டீபனோபுலோஸ் விவாதித்தார், ட்ரம்ப் ஒரு சிவில் ஜூரியால் வன்புணர்வு குற்றவாளி என்று பலமுறை வலியுறுத்தப்பட்டார். சட்ட ரீதியாக, வன்புணர்வுக்கு பதிலாக “பாலியல் துஷ்பிரயோகத்திற்கு” ட்ரம்ப் பொறுப்பு என்று நடுவர் குழு கண்டறிந்தது. ஏனெனில், நியூயோர்க் மாநில சட்டம் (திருத்தப்பட்ட பின்னர்) வன்புணர்வு என்பது ஆண்குறியின் யோனி மீதான ஊடுருவல் மட்டுமே என வரையறுத்திருந்தது. இதர அனைத்து வகையான பாலியல் வன்கொடுமைகளையும் “பாலியல் துஷ்பிரயோகம்” என்று அந்த சட்டம் வகைப்படுத்தியது.

சிவில் விசாரணைக்கு தலைமை தாங்கிய நீதிபதி லூயிஸ் கப்லான், “நியூயோர்க் தண்டனைச் சட்டத்தின் அர்த்தத்தில் தான் வன்புணர்வு செய்யப்பட்டார் என்பதை நிரூபிப்பதில் திருமதி கரோல் தவறிவிட்டார் என்ற கண்டுபிடிப்பு, பலாத்காரம் என்ற வார்த்தையை பலர் பொதுவாகப் புரிந்துகொள்வதால், திரு. ட்ரம்ப் தன்னை பாலியல் பலாத்காரம் செய்தார் என்பதை நிரூபிக்க அவர் தவறிவிட்டார் என்று அர்த்தமல்ல” என்று குறிப்பிட்டார். உண்மையில், “கீழே விவரிக்கப்பட்டுள்ள விசாரணையில் உள்ள சான்றுகள் தெளிவுபடுத்துவது போல, திரு. ட்ரம்ப் உண்மையில் அதைச் செய்தார் என்று நடுவர் மன்றம் கண்டறிந்தது” என்று அவர் மேலும் தெரிவித்தார்.

நீதிபதியைப்பற்றி குறிப்பிடாமல், அரச சட்டத்தின் வன்புணர்வு மற்றும் அதுபற்றிய பொதுவான புரிதலுக்கு இடையே உள்ள வேறுபாட்டைக் குறிப்பிடாமல், ஸ்டீபனோபுலோஸ், கப்லானின் கருத்துகளை உரைத்தார். மேலும், ட்ரம்பின் பாசிசக் கொள்கைகளைபற்றி குறிப்பிடாமல், அவரை இழிவுபடுத்துவதற்காக, கார்ப்பரேட் ஊடகங்களின் ஜனநாயக சார்புப் பிரிவின் பிரச்சாரத்தின் ஒரு பகுதியாக இது இருந்தது.

ABC நியூஸ் ஆரம்பத்தில் இரண்டு நன்கு நிறுவப்பட்ட அடிப்படையில் இந்த வழக்கை சவால் செய்தது: “வன்புணர்வு” பற்றிய குறிப்பு தொழில்நுட்ப ரீதியாக குறைபாடுள்ளதாக இருந்தாலும், அது கணிசமாக உண்மையாக இருந்தது. மேலும் ட்ரம்பின் வழக்கு, வலையமைப்பு மற்றும் ஸ்டெபனோபுலோஸின் “உண்மையான தீங்கிழைப்பை” நிரூபிக்க முடிந்தால் மட்டுமே வெற்றிபெற முடியும்.

இருப்பினும், ஜூலை 2024 இல், ஃபெடரல் மாவட்ட நீதிபதி சிசிலியா அல்டோனாகா, இந்த வழக்கை தள்ளுபடி செய்வதற்கான தீர்மானத்திற்கு எதிராக தீர்ப்பளித்ததோடு, மேலும் ஆவணங்களை பரிமாறிக்கொள்வது மற்றும் கூடுதல் ஆதாரங்களைப் பெறுவது உட்பட சிவில் வழக்கைத் தொடர ட்ரம்ப் மற்றும் ABC க்கு உத்தரவிட்டார்.

ABC நியூஸ் போன்ற ஒரு பிரதிவாதி, வாக்குமூலம் எடுக்கப்படுவதற்கு முன்பும், சுருக்கத் தீர்ப்புக்காக ஒரு மனுவைத் தாக்கல் செய்வதற்கு முன்பும், இந்த சர்ச்சையைத் தீர்ப்பது மிகவும் அசாதாரணமானது என்று சட்ட விமர்சகர்கள் குறிப்பிட்டனர். மேலும், செய்தி ஊடகங்களுக்கு எதிரான அவதூறு வழக்கில், குறிப்பாக ட்ரம்ப் போன்ற பல குற்றங்களுக்காக தண்டிக்கப்பட்ட ஒரு வாதியால் இது அடிக்கடி வழங்கப்படும்.

இந்த வழக்கு குறித்து அடுத்த வாரம் நான்கு மணி நேர வாக்குமூலங்களுக்காக ட்ரம்ப் மற்றும் ஸ்டீபனோபோலஸ் உட்கார வேண்டும் என்று ஒரு பெடரல் நீதிபதி உத்தரவிட்ட சில மணி நேரங்களுக்குப் பின்னர் ABC நியூஸ் உடன்பட்டது என்பது குறிப்பிடத்தக்கது. ABC மற்றும் டிஸ்னி நிர்வாகிகளின் ஒரு தூதுக்குழு கடந்த திங்களன்று ட்ரம்பின் இடைநிலைக் குழுவுடன் பேச்சுவார்த்தை நடத்த, ட்ரம்பின் இருப்பிடமான மார்-அ-லாகோவுக்கு விஜயம் செய்தது. அதில் சந்தேகத்திற்கு இடமின்றி வெள்ளை மாளிகைக்கான வலையமைப்பின் அணுகலைக் கட்டுப்படுத்துவதற்கான அவரது அச்சுறுத்தல்கள் மற்றும் ஊடகங்கள் மீதான பரந்த ஒடுக்குமுறை ஆகியவை இந்த பேச்சுவார்த்தைகளில் உள்ளடங்கி இருந்தது.

நியூ யோர்க் டைம்ஸ் தகவல்படி, ABC நியூஸை மேற்பார்வையிடும் டிஸ்னி நிர்வாகி டெப்ரா ஓகோனெல், ட்ரம்பின் தலைமை ஊழியர் சூசி வைல்ஸுடன் இரவு நேர உணவை சாப்பிட்டார். இது, ட்ரம்ப்பின் பதவி விலகலை முன்கூட்டியே தடுக்கும் ஒரு சரணாகதியாகவும், வரவிருக்கும் ஜனாதிபதிக்கு சாதகமாக இருக்கும் என்று வலையமைப்பு நிர்வாகிகள் நம்பினர் என்பது வெளிப்படையாக உள்ளது.

இந்த விஜயத்தின் விளைவாக, ட்ரம்பிற்கு சாதகமான நிபந்தனைகளின் அடிப்படையில் இந்த வழக்கில் தீர்வு காணப்பட்டது. இதில் ஏபிசி மற்றும் ஸ்டெபனோபுலோஸ் ஆகியோரின் பொது வருத்தம், வலையமைப்பின் இணையதளத்தில் அடிக்குறிப்பாக இணைக்கப்பட்டது. ஆனால் உடனடியாக ட்ரம்பின் வழக்கறிஞர்களால் ஒரு செய்திக்குறிப்பில் இது பகிரங்கப்படுத்தப்பட்டதுடன், பரவலான ஊடக வெளிச்சத்திற்கும் இட்டுச் செல்லப்பட்டது. ABC ட்ரம்பின் ஜனாதிபதி நூலகத்திற்கு 15 மில்லியன் டாலர் நன்கொடை அளிக்கும். இது, இதுவரை இணைய இலக்காக மட்டுமே உள்ளது. மேலும் ட்ரம்பின் சட்டக் குழுவிற்கு ABC 1 மில்லியனை டாலர்களை செலுத்துகிறது, இதனால் வழக்குத் தொடரும் சலுகையை திறம்பட செலுத்துகிறது.

ஊடகங்களைக் கட்டுப்படுத்தும் மிகப்பெரும் பெருநிறுவனங்கள் மற்றும் பில்லியனர்கள் வருங்கால அமெரிக்காவின் பெருந் தலைவருக்கு முன்னால் பணிவுடன் மண்டியிடுவதற்கான தொடர்ச்சியான நகர்வுகளின் உள்ளடக்கத்தில் ABC நியூஸ் சரணடைந்துள்ளது.

திங்களன்று பொலிட்டிகோவில் வெளிவந்த ஒரு கட்டுரை, “பெரும் தொழில்நுட்பம் முதல் ஊடகங்கள் வரை, ட்ரம்பின் மோதிரத்தை முத்தமிடுவதற்கான அவசரம் தொடர்கிறது” என்ற கருத்துடன் தலைப்பிடப்பட்டது. மேலும், “தொழில்நுட்ப ஜாம்பவான்கள் அவரது பதவியேற்பு விழாவில் மில்லியன் கணக்கான டாலர்களை கொட்டி வருகின்றனர் மற்றும் ஜனாதிபதியாக தேர்ந்தெடுக்கப்பட்ட ஜனாதிபதியுடனான சந்திப்புகளுக்காக வெஸ்ட் பாம் பீச் வழியாக அணிவகுத்தும் வருகின்றனர். வெளிநாட்டு தலைவர்கள் தொலைபேசி அழைப்புகள் மற்றும் புகைப்படம் எடுப்பதன் மூலம் அவரது ஆதரவைப் பெற முயல்கின்றனர். தாராளவாத செய்தி ஒளிபரப்பாளர்கள், ‘மக்களின் எதிரிகள்’ என்று சித்தரித்த நபருடன் தடைகளை சரிசெய்ய ட்ரம்பின் வசிப்பிடமான மார்-ஏ-லாகோவுக்கு விரைகிறார்கள்.

தேர்தலுக்கு முன்னரே கூட, பில்லியனர் ஜெஃப் பெஸோஸ், ஜனநாயகக் கட்சியின் கமலா ஹாரிஸை வழிமொழிவதற்கான வாஷிங்டன் போஸ்ட் ஆசிரியர் குழுவின் முடிவை மாற்றி, அவருக்கு சொந்தமான பத்திரிகை “நடுநிலை” வகிக்க வேண்டும் என்று உத்தரவிட்டார். லொஸ் ஏஞ்சல்ஸ் டைம்ஸின் பில்லியனர் உரிமையாளரும் இதேபோன்ற நடவடிக்கையை எடுத்தார்.

ட்ரம்ப்பின் வெற்றியை அடுத்து, NBC/Universal இன் பெருநிறுவன உரிமையாளரான கோம்காஸ்ட், பெருநிறுவன ஊடகங்களில் ட்ரம்பை மிகவும் உரத்த குரலில் விமர்சித்த அதன் MSNBC கேபிள் செய்தி துணை நிறுவனத்தை விற்றுவிடவிருப்பதாக அறிவித்தார். இதனைத் தொடர்ந்து, MSNBC இன் “காலை ஜோ” நிகழ்ச்சியின் இணை தொகுப்பாளர்களான ஜோ ஸ்கார்பரோ மற்றும் மைக்கா ப்ரெஜின்ஸ்கி ஆகியோர் ட்ரம்பின் வசிப்பிடமான மார்-ஏ-லாகோவுக்கு மிகவும் விளம்பரப்படுத்தப்பட்ட வருகையைத் தொடர்ந்து, அவர்கள் ட்ரம்பை தனிப்பட்ட முறையில் சந்தித்து நட்புறவை மீண்டும் ஏற்படுத்த ஒப்புக்கொண்டனர்.

கமலா ஹாரிஸுடனான “60 நிமிடங்கள்” என்ற நேர்காணலை திருத்தியதற்காக ட்ரம்ப் தாக்கல் செய்த 10 பில்லியன் டாலர் வழக்கை CBS எதிர்த்துப் போராடி வருகிறது. (இந்த நேர்காணல் ஹாரிஸை முகஸ்துதி செய்வதற்காக வடிவமைக்கப்பட்டது என்று ட்ரம்ப் கூறுகிறார். ஆனால், அவர் முன்னதாக நிகழ்ச்சியில் தனது சொந்த நேர்காணலுக்கு உட்கார மறுத்துவிட்டார்) ட்ரம்ப் ABC இன் ஒளிபரப்பு உரிமத்தை ரத்து செய்யப்போவதாகவும், மத்திய தகவல் தொடர்பு ஆணையத்தின் தலைவர் பதவிக்கு அவர் பரிந்துரைக்கப்பட்டவர் என்றும் மிரட்டியுள்ளார். மேலும், ஹாரிஸ் மீது மிகவும் சாதகமான செய்திகள் இருப்பதாக அவர் கூறியதுடன், CBS மற்றும் NBC ஐ தாக்கியுள்ளார். அதேவேளையில் “ஒளிபரப்பு உரிமங்கள் புனித பசுக்கள் அல்ல” என்றும் அறிவித்தார்.

பேஸ்புக் மற்றும் கூகுள் போன்ற சமூக ஊடக பெருநிறுவனங்கள் அதிதீவிர வலது மற்றும் பாசிசவாத ட்ரம்ப்-ஆதரவு பதிவுகளை தணிக்கை செய்வதாக கூறுவதன் காரணமாக, அவை நெறிமுறை நடவடிக்கைகளுக்கு உள்ளாக்கப்படலாம் என்ற ஆலோசனைகளுடன் இந்த அச்சுறுத்தல்களும் சேர்ந்து வந்துள்ளன. சமூக ஊடகங்கள் மீதான தணிக்கையின் முக்கிய இலக்கு, இடதுசாரி மற்றும் சோசலிச கருத்துக்கள் ஆகும். குறிப்பாக, உலக சோசலிச வலைத் தளத்தின் கருத்துக்கள் மற்றும் மிக சமீபத்தில், காஸாவில் இஸ்ரேலிய இனப்படுகொலை பற்றிய அனைத்து விமர்சனங்களும் இதில் அடங்கும்.

பெருநிறுவன முதலாளிகளின் பதில், அவர்களின் புதிய “தலைமைத் தளபதிக்கு” வரிசையாக நின்று வணக்கம் செலுத்துவதாகும். பெசோஸ், மார்க் ஜுக்கர்பெர்க் மற்றும் டிம் குக் ஆகியோர் ட்ரம்பின் பதவியேற்பு கொண்டாட்டத்திற்கு மில்லியன் கணக்கான டாலர்களை கொட்டி, ஆட்சிக்கு வரவிருக்கும் பாசிச ஜனாதிபதியை புகழ்ந்து பேசி வருகின்றனர்.

இறுதி வடிவத்தில், டைம் இதழ் கடந்த வாரம் ட்ரம்பை தனது ஆண்டின் சிறந்த நபராகப் பெயரிடத் தேர்வு செய்தது. அவரது தேர்தல் வெற்றியை ஒரு அற்புதமான மற்றும் வரலாற்று சாதனை என்று பாராட்டிய டைம், ட்ரம்ப் நிறுவ விரும்பும் ஆட்சியின் வலதுசாரி சர்வாதிகார மற்றும் பாசிச தன்மையைக் குறித்து ஒருபோதும் குறிப்பிடவில்லை.

பெருநிறுவன செய்தி ஊடகங்களை கட்டுப்படுத்தும் தன்னலக்குழுக்களிடம் இருந்து, இதனைவிட வேறு எதையும் எதிர்பார்க்க முடியாது. அதிகாரத்தில் இருக்கும் நிர்வாகத்துடனான விமர்சன அணுகுமுறை ஒருபுறம் இருக்க, இவை எந்தவொரு சுயாதீனமான அணுகுமுறையையும் கூட நீண்டகாலத்திற்கு முன்பே கைவிட்டுள்ளன. மில்லியன் கணக்கான புலம்பெயர்ந்தோரை பாரியளவில் சுற்றி வளைப்பதில் தொடங்கி, ஜனநாயக உரிமைகள் மீதான ஒரு பாரிய தாக்குதலுக்கு ட்ரம்ப் நிர்வாகம் பொறுப்பேற்றுள்ள நிலைமைகளின் கீழ், எதிர்ப்பு அடிமட்டத்தில் இருந்து, ஒரு சோசலிச வேலைத்திட்டத்தின் அடிப்படையில் தொழிலாள வர்க்கத்தை பாரியளவில் அணிதிரட்டுவதில் இருந்து மட்டுமே வருகிறது.