அமெரிக்காவில் இரயில்வே தொழிலாளர்கள் விட்டுக்கொடுப்பு ஒப்பந்தங்களை நிராகரிக்கின்றனர்

சமூக சமத்துவத்திற்கான அனைத்துலக மாணவர் இயக்கத்தில் இணைவீர்!

அமெரிக்காவில் இரயில்வே தொழிலாளர்கள் விட்டுக்கொடுப்பு ஒப்பந்தங்களை நிராகரிக்கின்றனர்

By Jeff Lusanne
12 September 2014

Use this version to print| Send feedback

வட அமெரிக்காவில் இரயில்வே மற்றும் உலோக தகடுகள், விமான, இரயில் மற்றும் போக்குவரத்து பணியாளர்களின் சர்வதேச அமைப்பு (SMART) GO-001 இலக்க தொழிற்சங்க பகுதியில் முன்வைத்திருக்கும் வரலாற்றளவிலான விட்டுக்கொடுப்புக்களை முன்மொழிந்த புதிய ஒப்பந்தம் ஒன்றினை நடத்துனர்கள் நிராகரித்து வாக்களித்துள்ளனர். இந்த ஒப்பந்தம் அண்ணனளவாக 60 சதவீத BNSF ஊழியர்களை உள்ளடக்குகின்ற, இத்தொழிற்துறை முழுமைக்குமான ஒரு முன்மாதிரியினை உருவாக்கியிருக்கும்.

2015 இல் புதிய நேர்மறை இரயில் கட்டுப்பாட்டு சமிக்ஞை தொழில்நுட்பம் (Positive Train Control -PTC) செயல்படுத்தப்பட்ட பின்னர், BNSF ஆல் பிரதான நடத்துனர் (master conductor) எனப்படும் சமிக்கைகளை இயக்கும் நிலையான ஒரு நடத்துனரை நியமிப்பதன் மூலம் பல இரயில்களில் இயங்கும் நடத்துனர்களை பிரதியீடு செய்யமுடியும்.

பல வருட பணியாளர்கள் எண்ணிக்கை வெட்டுக்களை அடுத்து, பொதுவாக தங்களது பாதைகளில் சரக்கு இரயில்களை இயக்குவதில் பொறியாளர் மற்றும் நடத்துனர் என இரு வகையான ஊழியர்கள் உள்ளனர். பொறியாளர் இரயிலை இயக்கும் வேளையில், நடத்துனர் போக்குவரத்தை இயக்கும் சமிக்ஞைகளை படிப்பதுடன், இரயில் போக்குவரத்து அனுப்புனருடன் தொடர்புகொள்வது, ரயிலின் நிலைமைகள் குறித்த ஆவணப்பணிகளை நிர்வகிப்பது போன்றவற்றை செய்வதுடன் (ஆபத்தான சரக்கு பொருட்களின் தகவல்கள் உட்பட), மேலும் பொதுவாக ரயிலின் பாதுகாப்பான மற்றும் முறையான இயக்கத்தினை உறுதி செய்வதற்காக பொறியாளருடன் இணைந்து பணியாற்றுகிறார்.

நடத்துனர் ரயிலில் அனைத்து வேலைகளையும் கையாள்கிறார். குமிழ்களை இயக்குதல், சரக்கு பெட்டிகளை மாற்றுதல் மற்றும் எந்திர பழுதுகளை சரி செய்தல் போன்றவை அதில் உள்ளடங்கும். இது அழுக்கான, ஆபத்தான பணி என்பதுடன் இரவோ பகலோ, அனைத்து கால நிலைகளிலும், பெரும்பாலும் வாரத்திற்கு 40 மணிநேரத்திற்கும் அதிகமாக இருக்கிற, முன்னரே கணிக்க முடியாத வேலை அட்டவணையில், வருடம் முழுவதும் இந்த வேலை நடந்து கொண்டிருக்கிறது. (உதாரணமாக, உள்ளூர் GO-001 வடக்கு டகோடா, மொண்டானா, மற்றும் மின்னசோடாவில் BNSF பகுதிகளை உள்ளடக்குகிறது, இப்பகுதிகளில் கடந்த குளிர்காலத்தில் பல வாரங்களுக்கு பூஜ்ஜியத்திற்கும் குறைவான வெப்பநிலை நிலவியது, அப்போது, BNSF இன் செயல்பாடுகள் கிட்டத்தட்ட முடங்கின.)

முன்மொழியப்பட்ட பிரதான நடத்துனர் அப்போது வண்டியில் இருக்கும் நடத்துனரது பொறுப்புகளை பொறியாளரிடம் ஒப்படைத்து, ரயிலில் நேர்மறை இரயில் கட்டுப்பாட்டு சமிக்ஞை தொழில்நுட்பம் (PTC) உள்ள வண்டியிலிருந்து நடத்துனரை வெளியேற்றிவிடுவார். மாறாக, தனித்தனி இரயில்களுக்கு மாறாக, கூடுதலாக நீட்டிக்கப்பட்ட பணியுடன், பிரதான நடத்துனர் ஒரு பிராந்தியத்திற்குரிய பணியை கவனித்துக் கொள்வார். பொறியாளர்கள் மற்றும் நடத்துனர்கள் இருவரிடமிருந்து அதிக வேலைகளை பிழிந்தெடுப்பது போல், இது பணியாளர்களை குறைப்பதில் சென்று முடியும்.

SMART இன் கோரிக்கையானது, விளக்கிக்கூற முடியாத ஒரு மோசமான காட்டிக்கொடுப்பாக இருக்குமென்று வெளிப்படையாகவே தெரிகிறது. வாரன் பஃபெட்டின் Berkshire Hathaway இற்கு சொந்தமான BNSF இரயில்வே இலாபங்களில் நீந்திக் கொண்டிருக்கிறது. BNSFஇன் வடக்கு தடத்தினுள் ஊதிப்பெருத்துவரும் பேக்கென் கச்சா எண்ணெய் பகுதி உள்ளடங்குவதுடன், மேலும் இரயில்வே தடத்தின் செயல்திறன் மற்றும் ஊழியர்களின் அளவிற்கு மேலாக, போக்குவரத்தும் மேலும் அதிகரித்துள்ளது.

போதிய ஊழியர்கள் இல்லாததால், கடந்த குளிர்காலத்தில் வாரக்கடைசி மற்றும் விடுமுறை நாட்களில் தங்கி பணியாற்ற விரும்பும் ஊழியர்களுக்கு ஊக்கத்தொகை கொடுக்குமளவுக்கு ஆகிவிட்டது. இருப்பினும், அதே நேரத்தில் ஊழியர் குறைப்பிற்காக அனுமதிக்கும் ஓர் ஒப்பந்தம் குறித்து பேச்சுவார்த்தை நடத்தவும் BNSF உடன் இணைந்து SMART செயல்பட்டது.

SMART இற்கு எது கடினமாக இருந்திருக்கும் என்றால், BNSF ஊழியர் குறைப்புகள் பற்றி வலியுறுத்தும் வேளையில், பொறியாளர்களை பிரதிநிதித்துவப்படும் எந்திர பொறியாளர்கள் மற்றும் இரயில்வே ஊழியர்கள் சங்கத்திற்கு (BLET) எதிரான தமது கைகளை பலப்படுத்துக்கொள்வதுதான். முக்கியமாக, BLET மற்றும் SMART இரண்டிலுமுள்ள பணியாளர்களின் இழப்பில், அதன் தனிப்பட்ட வருமானங்களை உறுதி செய்துகொள்ள முயற்சிப்பதற்காக நிறுவனத்துடன் இணைந்து இயங்க SMART முடிவு செய்தது.

இரயில்வே பல வருடங்களாக ஊழியர்களின் எண்ணிக்கையை குறைப்பதற்காக தொழில்நுட்ப கண்டுபிடிப்புகளை ஒரு சாக்காக பயன்படுத்தி வந்திருக்கையில், தமது வழியில் ஒவ்வொரு கட்டத்திலும் ஐக்கிய போக்குவரத்து சங்கம் (SMARTஇன் முன்னோடியான UTU) மற்றும் BLET இரண்டும் அனைத்தையும் அழிப்பதற்காக தாங்கள் போட்டியிட்டு வந்தன. வேலைநிறுத்தங்கள் மீறப்பட்டுள்ளன, மேலும் இரண்டு அமைப்புகளுமே பிற சங்கத்தின் வேலைகளை வெட்டுவதற்காக, தங்களது சொந்த ஒப்பந்த படிவ விளக்கங்களை நீட்டித்துக்கொள்ள தொடர்ச்சியாக விரும்பின. உதாரணமாக, திருத்தும் இடங்களில் இயந்திரங்களை அவதானிக்க தொலைதூர இயக்கியை பயன்படுத்துவதை அறிமுகப்படுத்தி, BLET உறுப்பினர்களின் பணியை குறைத்து, நடத்துனர்களே அவற்றை இயக்குவதை அனுமதிக்கும் தீர்ப்பு ஒன்றில் UTU வெற்றி பெற்றது.

2007 ல் BLETஇன் ஒரு பிரிவானது ஒவ்வொரு இரயிலுக்கும் ஒரு நடத்துனர் தேவை என்ற UTU ஒப்பந்தம் காலாவதியானதும், தனியாக ஒரு பொறியாளருடன் இரயில்கள் இயக்கப்படுவதை அனுமதிக்கும் BNSF உடனான ஒப்பந்த பேச்சுவார்த்தை ஒன்றை நடத்தியது. இப்போது PTC, ஒரு இரயில் அதன் அங்கீகரிக்கப்பட்ட வேகத்தையோ அல்லது இடத்தையோ தாண்டுவதிலிருந்து தடுக்கும் நிலையான தொலைதூர கண்காணிப்பை அமுலாக்கும் அதன்முடிவில், தவிர்க்க முடியாத வகையில் சங்கங்கள் தனிஒருவரே ரயிலில் பணிபுரிவதை ஒப்புக்கொண்டு வருகின்றன.

SMART இன் பொதுக்குழு தலைவர் ராண்டி குனூட்சன் BNSF தொழிலாளர்களிடம், “இன்றைய தரங்களில், சற்று பழமையான தொழில்நுட்ப முன்னேற்றங்களாக இருப்பவைகளால், சொல்லமுடியாத அளவுக்கு பணியிடங்களை ஏற்கெனவே நாம் இழந்துவிட்டோம். பாதுகாப்புத் துறையோ அல்லது சட்டத்துறையோ இரண்டாலும் இத்தகைய வேலை இழப்புக்களை நிறுத்த முடியவில்லை. இத்துறையில் PTC மற்றும் பிற தொழில்நுட்ப மேம்பாடுகளுடன், அதே பழமையான “உன்னால் போராடமுடியாதவரைக்கும் அவர்களை எதிர்த்து போராடு” என்ற ('fight-'em-till-you-can't fight-'em-no-more') யுக்தியை பயன்படுத்துவது மற்றும் வேறு ஒரு முடிவினை எதிர்பார்ப்பதுமாகிய முட்டாள்தனத்திற்கு இது ஒரு நல்ல விளக்கம்” என்று கூறினார்.

SMART ஏற்படுத்திய, திவால் நிலைமையை ஒப்புக்கொள்வதுதான் இந்த அறிக்கையின் அர்த்தம். BLET இல் இரயில் தொழிலாளர்களுடனான ஐக்கியத்தையும், மிகக்குறைவான வேலைநிறுத்த செயல்பாடுகளை நிராகரித்து, நிறுவனத்துடன் ”சிறந்த” ஒப்பந்தமே ஒரே முன்னேற்றமான வழியென கூறி காட்டிக்கொடுப்பதை முன்வைக்கின்றது.

முக்கியமாக, அவ்வொப்பந்தத்த்தின் இத்தகைய அணுகுமுறையை BNSF தொழிலாளர்கள் பெரும்பான்மையுடன் நிராகரித்துள்ளனர். பல பில்லியன் டாலர்கள் இரயில்வே துறையும் அதன் ஆதரவாளர்களும் ஊழியர்களின் சோர்வடைய செய்யும் வேலை மற்றும் பாதுகாப்பு மீதான பாதிப்புகள் குறித்து கருத்தில் கொள்ளாமல், இரயில்வே ஊழியர்களிடமிருந்து முடிந்த வரையில் அதிக உற்பத்தியை பிழிந்தெடுப்பதற்காக தள்ளிக் கொண்டிருக்கிறார்கள் மேலும் இந்த SMART ஒப்பந்தம் உடனடியாக வட அமெரிக்கா முழுவதிலும் தாக்கத்தை கொடுக்கும் ஒரு முன்மாதிரியற்ற பாதிப்பினை ஏற்படுத்தும்.

ஆனால் இரயில்வே நிர்வாகம் இன்னும் அதிகமான தாக்கத்துடன் முன்வரும். BNSF இல் தொழிற்துறை உறவுகளுக்கான துணை தலைவராக இருக்கும் ஜோன் பெல்ப்ஸ், நிராகரிக்கப்பட்ட ஒப்பந்தம் குறித்து பதிலளிக்கையில், “இப்போது இதனை முன்னெடுத்துச் செல்வதில்லை என அவர்கள் முடிவெடுத்திருக்கிறார்கள், மேலும் நாங்கள் அச்செயல்பாட்டினை மதிக்கிறோம்” என்றார். வேறு வார்த்தைகளில் சொல்வதென்றால், பணியாளர்கள் எண்ணிக்கையை குறைப்பது என்ற நீண்டகால விருப்பத்திற்கான ஒரு தற்காலிக தாமதமாக மட்டுமே BNSF இதனை பார்க்கிறது எனலாம்.

இப்போது, இரயில்வே தொழிலாளர்களின் உரிமைகளை விட்டுக்கொடுக்க கோரும் இரயில்வே நிர்வாகத்துடன் வெளிப்படையாக இணைந்து இயங்குகின்ற UTU அல்லது BLET உடன், இரயில்வே நிர்வாகத்தின் கோரிக்கைகளுக்கு எதிராக போராடுவதில் எந்த ஒரு ஐக்கியத்தையோ அல்லது வழியையோ காணமுடியாது.